நாகர்கோவில், செப். 9-
குமரி மாவட்டத்தில் நகர் பகுதிகளில் மழை இல்லாத நிலையில் அணை பகுதிகளிலும், மலையோர பகுதிகளிலும் தொடர்ந்து மழை பெய்து வருகிறது.
இதன் காரணமாக பேச்சிப்பாறை, பெருஞ் சாணி அணைகளுக்கு நீர் வரத்து அதிகரித்துள்ளது. அணைகளின் நீர்மட்ட த்தை பொதுப்பணித்துறை அதிகாரிகள் தொடர்ந்து கண்காணித்து வருகி றார்கள்.
கோதையாற்றின் குறுக்கே உள்ள திற்பரப்பு அருவியின் நீர்ப்பிடிப்பு பகுதிகளில் கனமழை பெய்து வருவ தால், அங்கு தற்போது வெள்ளப்பெருக்கு ஏற்பட் டுள்ளது.
இதனால் பாதுகாப்பு கருதி சுற்றுலா பயணிகள் அருவியில் குளிக்க திற்பரப்பு பேரூராட்சி நிர்வாகம் 3-வது நாளாக இன்றும் தடை விதித்து அறிவிப்பு பேனர் வைத்து உள்ளதோடு, அருவி அருகில் செல்லாமல் இருக்க கயிறு கட்டி தடுப்பு ஏற்படுத்தியுள்ளனர். மேலும் குழித்துறை தாமிரபரணி ஆற்றங்கரையோரம் வசிக்கும் மக்களுக்கு வெள்ள அபாய எச்சரிக்கை விடுக்கப்பட்டுள் ளது.
48 அடி கொள்ளளவு கொண்ட பேச்சிப்பாறை அணை நீர்மட்டம் இன்று காலை 42.90 அடியாக இருந்தது. அணைக்கு விநாடிக்கு 1841 கன அடி தண்ணீர் வந்து கொண்டி ருக்கிறது. அணையிலிருந்து பாசனத்திற்கு 272 கன அடி தண்ணீர் திறக்கப்படுகிறது. 4016 கனஅடி உபரிநீரும் திறந்து விடப்பட்டுள்ளது.
77 அடி கொள்ளளவு கொண்ட பெருஞ்சாணி அணை நீர்மட்டம் 73.40 அடி யாக உள்ளது. அணைக்கு 691 கன அடி தண்ணீர் வந்து கொண்டிருக்கிறது.அணையில் இருந்து 475 கனஅடி தண்ணீர் வெளி யேற்றப்படுகிறது.
சிற்றார்-1 அணையின் நீர்மட்டம் 12.66 அடியாக உள்ளது. அணைக்கு 113 கன அடி தண்ணீர் வந்து கொண்டிருக்கிறது. அணை யில் இருந்து 150 கன அடி தண்ணீர் வெளியேற்றப்படு
கிறது.
சிற்றாறு-2 அணையின் நீர்மட்டம் 12.76 அடியா கவும், பொய்கை அணை நீர்மட்டம் 16.90 அடியாகவும், மாம்பழத் துறையாறு அணையின் நீர்மட்டம் 38.06 அடியாகவும் உள்ளது.
மாவட்டத்தில் பெய்த மழை அளவு வருமாறு:- (மில்லி மீட்டரில்)
பேச்சிப்பாறை-10.8, பெருஞ்சாணி-3.4, சிற்றார்-1-3.4, சிற்றார்-2 -2.2, மாம்பழத்துறையாறு-2, புத்தன் அைண-2.8, சுரு ளோடு-1.4, கன்னிமாா்-6.2, பூதப்பாண்டி-1.6, பாலமோா்-7.2, அடையா மடை-3, ஆணைக் கிடங்கு-1.2, கோழிப்போர்
விளை-2.8.
