நீங்கள் தேடியது "India A west indies A"

இந்தியா ‘ஏ’ அணி இங்கிலாந்தில் சுற்றுப் பயணம் செய்து விளையாடி வருகிறது. இந்தியா ‘ஏ’, இங்கிலாந்து லயன்ஸ், வெஸ்ட் இண்டீஸ் ‘ஏ’ அணிகளுக்கு இடையிலான முத்தரப்பு ஒருநாள் கிரிக்கெட் தொடரில் இந்தியா இங்கிலாந்து லயன்ஸ் அணியை வீழ்த்தி சாம்பியன் பட்டம் வென்றது.

தற்போது நான்கு நாட்கள் கொண்ட அதிகாரப்பூர்வமற்ற டெஸ்ட் போட்டியில் விளையாடி வருகிறது. இந்தியா ‘ஏ’ - வெஸ்ட் இண்டீஸ் ‘ஏ’ அணிகளுக்கு இடையிலான போட்டி கடந்த 4-ந்தேதியில் இருந்து நேற்றுவரை (7-ந்தேதி) நடைபெற்றது.

டாஸ் வென்று முதலில் பேட்டிங் செய்த இந்தியா ‘ஏ’ அணி 133 ரன்னில் சுருண்டது. பின்னர் முதல் இன்னிங்சை தொடங்கிய வெஸ்ட் இண்டீஸ் ‘ஏ’ அம்பிரிஸ் சதத்தால் 383 ரன்கள் குவித்தது.

250 ரன்கள் பின்தங்கிய நிலையில் இந்தியா ‘ஏ’ அணி 2-வது இன்னிங்சை தொடங்கியது. முதல் இன்னிங்சில் சொதப்பிய இந்தியா ‘ஏ’ அணி வீரர்கள் 2-வது இன்னிங்சில் அபாரமான ஆட்டத்தை வெளிப்படுத்தினார்கள்.

தொடக்க வீரர் பிரித்வி ஷா (188), 3-வது வீரர் சமர்த் (137) ஆகியோர் சதம் அடித்தனர்.  மயாங்க் அகர்வால் (68), கருண் நாயர் (93) அரைசதம் அடித்தனர். இவர்கள் ஆட்டத்தால் 6 விக்கெட் இழப்பிற்கு 609 ரன்கள் குவித்து டிக்ளேர் செய்தது இந்தியா ‘ஏ’.



பின்னர் கடைசி நாளான நேற்று 360 ரன்கள் எடுத்தால் வெற்றி என்ற இலக்குடன் வெஸ்ட் இண்டீஸ் ‘ஏ’ களம் இறங்கியது. வெஸ்ட் இண்டீஸ் ‘ஏ’ அணியை ஆல்அவுட்டாக்கி வெற்றிபெற வேண்டும் என்ற உத்வேகத்தில் இந்தியா ‘ஏ’ பந்து வீச்சாளர்கள் பந்து வீசினார்கள்.

ஆனால் கடைசி நாள் ஆட்ட முடியும் நேரத்தில் 7 விக்கெட்டுக்களை மட்டுமே வீழ்த்த முடிந்தது. வெஸ்ட் இண்டீஸ்  ‘ஏ’ 76 ஓவரில் 7 விக்கெட் இழப்பிற்கு 245 ரன்கள் எடுத்தது ஆட்டமிழக்காமல் இருந்தனர். இதனால் ஆட்டம் டிராவில் முடிந்தது.

இரு அணிகளுக்கும் இடையிலான 2-வது டெஸ்ட் 10-ந்தேதி முதல் 13-ந்தேதி வரை நடக்கிறது.

இந்தியா ‘ஏ’ - வெஸ்ட் இண்டீஸ் ‘ஏ’ அணிகளுக்கு இடையிலான நான்கு நாட்கள் கொண்ட டெஸ்ட் போட்டி இங்கிலாந்தில் நடைபெற்றது. கடந்த 4-ந்தேதி தொடங்கிய இந்த போட்டியில் இந்தியா முதலில் பேட்டிங் செய்தது.

வெஸ்ட் இண்டீஸ் ‘ஏ’ அணியின் சிறப்பான பந்து வீச்சால் இந்தியா ‘ஏ’ அணி 133 ரன்னில் சுருண்டது. பின்னர் முதல் இன்னிங்சை தொடங்கிய வெஸ்ட் இண்டீஸ் ‘ஏ’ அம்ப்ரிஸ் (128) சதத்தால் 383 ரன்கள் குவித்தது.

இந்தியா ‘ஏ’ முதல் இன்னிங்சில் 250 ரன்கள் பின்தங்கியிருந்தது. இதனால் இன்னிங்ஸ் தோல்வியை அடையுமோ? என்ற அச்சம் இருந்தது. ஆனால் 2-வது இன்னிங்சில் தொடக்க வீரர்களான பிரித்வி ஷா, மயாங்க் அகர்வால் அபாரமான ஆட்டத்தை வெளிப்படுத்தினார்கள்.

குறிப்பாக பிரித்வி ஷா ஒருநாள் போட்டியில் விளையாடுவது போன்று ஆடினார். இந்த ஜோடி முதல் விக்கெட்டுக்கு 27.3 ஓவரில் 181 ரன்கள் எடுத்த நிலையில் ஆட்டமிழந்தது. மயாங்க் அகர்வால் 68 ரன்கள் எடுத்த நிலையில் ஆட்டமிழந்தார்.



அடுத்து பிரித்வி ஷா உடன் ரவிக்குமார் சமர்த் ஜோடி சேர்ந்தார். இந்த ஜோடியும் அபாரமான ஆட்டத்தை வெளிப்படுத்தியது. இரட்டை சதம் அடிப்பார் என்று எதிர்பார்க்கப்பட்ட பிரித்வி ஷா 169 பந்தில் 188 ரன்கள் குவித்து ஆட்டமிழந்தார். இதில் 28 பவுண்டரிகள், 2 சிக்சர்கள் அடங்கும்.

மறுமுனையில் விளையாடிய ரவிக்குமார் சமர்த் 137 ரன்கள் விளாசினார். அதன்பின் வந்த கருண் நாயர் 93 ரன்கள் அடித்தார். இதனால் இந்தியா 107 ஓவரில் 6 விக்கெட் இழப்பிற்கு 570 ரன்கள் குவித்துள்ளது. தற்போது வரை 316 ரன்கள் முன்னிலைப் பெற்றுள்ளது. இந்த ஆட்டம் டிராவில் முடிய வாய்ப்புள்ளது.