நீங்கள் தேடியது "Ennore Harbour"

சென்னை:

சென்னையை அடுத்த எண்ணூர் காட்டுப்பள்ளி துறைமுகத்திற்கு துபாயில் இருந்து ஒரு கப்பல் வந்தது.

அதில் வெளிநாட்டு சிகரெட் கடத்தி வரப்பட்டுள்ளதாக மத்திய வருவாய் புலனாய்வு துறையினருக்கு ரகசிய தகவல் கிடைத்தது.

இதையடுத்து அந்த கப்பலில் அதிகாரிகள் சோதனை நடத்தினர்.

அப்போது அதில் 3 கண்டெய்னர்களில் வெளிநாட்டு சிகரெட் பெட்டிகள் இருப்பது தெரிய வந்தது. மொத்தம் 30.24 லட்சம் சிகரெட்டுகள் அட்டை பெட்டிக்குள் அடைக்கப்பட்டு இருந்தது கண்டுபிடிக்கப்பட்டது. அதன் மதிப்பு ரூ.4.23 கோடி.

இந்த சிகரெட்டுகள் அனைத்தும் இந்தோனேஷியா நாட்டு தயாரிப்பு வகையாகும். இதனை கடத்தி வந்த 4 பேரை போலீசார் கைது செய்து விசாரணை நடத்தி வருகின்றனர்.

இந்த சிகரெட்டுகளில் எச்சரிக்கை வாசகங்கள் எதுவும் இடம் பெறவில்லை என்பது குறிப்பிடத்தக்கது.