நீங்கள் தேடியது "IOA"

இந்தோனேசியாவில் வரும் ஆகஸ்ட் மாதம் 18-ந்தேதி முதல் செப்டம்பர் மாதம் 2-ந்தேதி வரை ஆசிய விளையாட்டு போட்டி நடைபெற இருக்கிறது. இதில் ஆதிக்கம் செலுத்துவதற்காக தலைசிறந்த வீரர்களை கொண்ட அணியை தேர்வு செய்வதில் ஒவ்வொரு பெடரேசனும் கவனம் செலுத்தி வருகிறது.

ஆசிய கோப்பைக்கான குதிரையேற்றம் அணி அறிவிப்பில் முறைகேடு நடைபெற்றதாக தெரிகிறது. இதனால் இந்த அணியை இந்திய ஒலிம்பிக் அசோசியேசன் ஆசிய போட்டிக்கு அனுப்புவதில்லை என்ற முடிவு செய்துள்ளது. அதேவேளையில் ஆண்களுக்கான கால்பந்து மற்றும் ஹேண்ட்பால் அணிக்கு அனுமதி வழங்கியுள்ளது.



இந்நிலையில் ஜிம்னாஸ்டிக் அணியை தேர்வு செய்வதற்காக ஐந்து பேர் கொண்ட குழுவை அமைத்துள்ளது. இந்தியன் ஒலிம்பிக் பெடரேசனின் அங்கீகாரம் பெற்ற அமைப்பாக இந்திய ஜிம்னாஸ்டிக் பெடரேசன் இல்லை. இதனால் இந்திய விளையாட்டுத்துறை அமைச்சகம் பரிந்துரை செய்ததை, ஐஓஏ ஏற்றுக் கொண்டது.