டுகாடி இந்தியா 2019 ஸ்கிராம்ப்ளர் மோட்டார்சைக்கிளை இந்தியாவில் அறிமுகம் செய்துள்ளது. புதிய மோட்டார்சைக்கிள் துவக்க விலை ரூ.7.89 லட்சம் (எக்ஸ்-ஷோரூம்) என நிர்ணயம் செய்யப்பட்டுள்ளது. புதிய டுகாடி ஸ்கிராம்ப்ளர் ஐகான், ஸ்கிராம்ப்ளர் ஃபுல் திராட்டில் மற்றும் ஸ்கிராம்ப்ளர் டெசர்ட் ஸ்லெட் உள்ளிட்ட வேரியண்ட்களில் கிடைக்கிறது.
2019 டுகாடி ஸ்கிராம்ப்ளர் மாடலில் சிறிதளவு மாற்றங்கள் செய்யப்பட்டுள்ளன. அந்த வகையில் புதிதாக டேன்க் பேனல்கள், புதிய எக்சாஸ்ட் மற்றும் டி.ஆர்.எல்.கள் கொண்ட ஹெட்லேம்ப் மற்றும் எக்ஸ் வடிவம் கொண்ட மோடிஃப் உள்ளிட்டவை வழங்கப்பட்டுள்ளது. புதிய அலாய் வீல்களுடன் என்ஜின் இம்முறை பிளாக் அவுசட் செய்யப்பட்டுள்ளது.
புதிய ஸ்விட்ச்கியர் வழங்கப்பட்டிருப்பதால் தற்போதைய மாடலை விட புதிய மோட்டார்சைக்கிளில் அதிகளவு வித்தியாசத்தை ஏற்படுத்துகிறது. லீவர்களும் புதிதாக வழங்கப்பட்டு, அவற்றை அட்ஜஸ்ட் செய்யக்கூடிய வசதி வழங்கப்பட்டுள்ளது. இத்துடன் கார்னெரிங் ஏ.பி.எஸ். அம்சம் குறிப்பிடத்தக்கதாக இருக்கிறது.
இவைதவிர புதிய மோட்டார்சைக்கிளின் என்ஜினில் எவ்வித மாற்றமும் மேற்கொள்ளப்படவில்லை. அந்த வகையில் புதிய மோட்டார்சைக்கிள்களிலும் 803சிசி, ஏர்-கூல்டு, L-ட்வின் மோட்டார் வழங்கப்பட்டுள்ளது. இந்த என்ஜின் 73 பி.எஸ். @8250 ஆர்.பி.எம். மற்றும் 67 என்.எம். டார்க் @7570 ஆர்.பி.எம். செயல்திறன் வழங்குகிறது.
