search icon
என் மலர்tooltip icon

    நீங்கள் தேடியது "ஆம் ஆத்மி"

    • உடல்நிலையை குறைக்க வேண்டுமென்றே கலோரி உணவுகளை கெஜ்ரிவால் எடுத்துக் கொள்ளவில்லை.
    • ஜூன் 2-ந்தேதிக்குப் பிறகு கெஜ்ரிவால் 2 கிலோ எடை குறைந்துள்ளார்- துணை நிலை ஆளுநர்.

    டெல்லி மாநில மதுபானக் கொள்கை தொடர்பான பணமோசடி வழக்கில் அமலாக்கதுறை டெல்லி மாநில முதல்வரான அரவிந்த் கெஜ்ரிவாலை கைது செய்தது. அதனைத் தொடர்ந்து அவர் திகார் சிறையில் அடைக்கப்பட்டுள்ளார். திகார் சிறையில் இருக்கும்போது சிபிஐ-யால் புதிய வழக்கு பதிவு செய்யப்பட்டு கைது செய்யப்பட்டார்.

    சிறையில் இருக்கும் அரவிந்த் கெஜ்ரிவாலை கொலை செய்ய பாஜக முயற்சி செய்கிறது என ஆம் ஆத்மி கட்சி தொடர்ந்து குற்றம்சாட்டி வருகிறது. கெஜ்ரிவாலின் உடலில் சர்க்கரை அளவு குறைந்ததாகவும், பலமுறை இவ்வாறு நடந்ததாகவும் ஆம் ஆத்மி குற்றம்சாட்டியது.

    இந்த நிலையில் டெல்லி மாநில துணை நிலை ஆளுநரான வி.கே. சக்சேனா கெஜ்ரிவாலின் உடல்நிலை குறித்து சிறைத்துறை கண்காளிப்பாளர் அறிக்கை அடிப்படையில் தலைமை செயலாளர் நரேஷ் குமாருக்கு கடிதம் எழுதியுள்ளார்.

    அப்போது கெஜ்ரிவால் சிறைக்குள் வேண்டுமென்றே மருத்துவ உணவு மற்றும் மருந்துகளை தவிர்த்திருக்கலாம் எனக் குறிப்பிட்டுள்ளார்.

    பரிந்துரைக்கப்பட்ட மருத்துவ உணவு மற்றும் இன்சுலின் உள்ளிட்ட மருந்துகளை தவிர்த்திருக்கலாம். போதுமான அளவு வீட்டில் சமைத்த உணவு வழங்கப்பட்ட போதிலும், முதல்வர் கெஜ்ரிவால் உடல்நிலையை குறைக்க குறைந்த கலோரி உணவை எடுத்துக் கொண்டுள்ளார் எனவும் அநத் கடிதத்தில் தெரிவித்துள்ளார்.

    மருத்துவ பரிசோதனையில் உள்ள வேறுபாட்டை அந்த கடிதத்தில் சுட்டிக்காட்டிய துணை நிலை ஆளுநர் போதுமான கலோரி உணவை எடுக்காததன் காரணமாக கெஜ்ரிவால் மீண்டும் சிறையில் அடைக்கப்பட்ட ஜூன் 2-ந்தேதியில் இருந்து 2 கிலோ எடை குறைந்துள்ளார் எனக் குறிப்பிட்டுள்ளார்.

    துணை நிலை ஆளுநர் சக்சேனாவின் குற்றச்சாட்டை திட்டவட்டாக மறுத்துள்ள ஆம் ஆத்மி கட்சி மந்திரி அதிஷி "முதல்வர் கெஜ்ரிவாலின் சர்க்கரை அளவு 8 முறைக்கு மேல் 50 mg/dL-க்கு கீழ் வந்துள்ளது. இதுபோன்ற சூழ்நிலையில் கோமா நிலைக்குக் கூட செல்ல முடியும். பிரைன் ஸ்ட்ரோக் ஆபத்து கொண்டது." என்றார்.

     ஆம் ஆத்மி கட்சியின் சஞ்சங் சிங் "என்ன வகையிலான ஜோக்கை நீங்கள் உருவாக்கியிருக்கிறீர்கள் துணைநிலை ஆளுநர் சார்?, ஒரு மனிதன் இரவில் சர்க்கரை அளவைக் குறைப்பானா? இது மிகவும் ஆபத்தானது. துணைநிலை ஆளுநர் சார், உங்களுக்கு இந்த நோய் பற்றி தெரியவில்லை என்றால், அதன்பின் நீங்கள் இது போன்ற கடிதம் எழுதக் கூடாது. அப்படி ஒரு காலம் உங்களுக்கு வராமல் கடவுள் தடுக்கட்டும்" எனக் குறிப்பிட்டுள்ளார்.

    துணைநிலை ஆளுநர் சிமென்ட் தயாரிக்கும் நிறுவனத்தில் பணிபுரிந்து வந்தார் என்பது எனக்குத் தெரியும். அவர் நீரிழிவு நோயில் நிபுணத்துவம் பெற்றவரா என்பது எனக்குத் தெரியாது என ஆம் ஆத்மி கட்சி தலைவர் சவுரவ் பரத்வாஜ் தெரிவித்துள்ளார்.

    • இந்தியா கூட்டணியில் உள்ள காங்கிரஸ், ஆம் ஆத்மி தனித்தனியாக களம் காண்கிறது.
    • பெரும்பான்மைக்கு 46 இடங்கள் தேவையான நிலையில், அரியானாவில் 4 முனை போட்டி உருவாகியது.

    சண்டிகர்:

    அரியானா மாநிலத்தில் விரைவில் சட்டசபைத் தேர்தல் நடைபெற உள்ளது. மொத்தம் உள்ள 90 தொகுதிகளிலும் தனித்துப் போட்டியிடுவதாக ஆம் ஆத்மி கட்சி சமீபத்தில் அறிவித்துள்ளது.

    ஆம் ஆத்மி கட்சியின் மூத்த தலைவரும், எம்.பியுமான சஞ்சய் சிங், பஞ்சாப் முதல் மந்திரி பகவத் மான் ஆகியோர் கூட்டாக இந்த முடிவை அறிவித்தனர்.

    பெரும்பான்மைக்கு 46 இடங்கள் தேவையாக உள்ள நிலையில், அரியானாவில் 4 முனை போட்டி உருவாகியுள்ளது.

    கடந்த 2019-ம் ஆண்டு நடந்த சட்டசபைத் தேர்தலில் பா.ஜ.க. 40 இடங்களிலும், காங்கிரஸ் 31 இடங்களிலும் வென்றது. துஷ்யந்த் சவுதாலாவின் ஜேஜேபி கட்சி 10 இடங்களைக் கைப்பற்றியது. யாருக்கும் பெரும்பான்மை கிடைக்காததால் ஜேஜேபி கட்சி மற்றும் சுயேட்சைகள் ஆதரவுடன் பா.ஜ.க. ஆட்சியைப் பிடித்தது.

    வரும் சட்டசபைத் தேர்தலில் இந்தியா கூட்டணியின் உள்ள காங்கிரசும், ஆம் ஆதிமியும் தனித்தனியாக களம் காண்கிறது. பாஜக மற்றும் துஷ்யந்த் சவுதாலாவின் ஜேஜேபி கட்சி தனித்து போட்டியிடுகிறது.

    எனவே பா.ஜ.க, காங்கிரஸ், ஆம் ஆத்மி, ஜேஜேபி என 4 முனை போட்டி இந்த தேர்தலில் உருவாகியுள்ளது.

    இந்நிலையில், அரியானா மாநிலத்தின் பஞ்சகுலா பகுதியில் நடந்த தேர்தல் பிரசார கூட்டத்தில் ஆம் ஆத்மி கட்சி தலைவர் கெஜ்ரிவாலின் மனைவி சுனிதா கெஜ்ரிவால் பங்கேற்றார். அப்போது அவர் இலவச மின்சாரம், இலவச கல்வி, இலவச மருத்துவம், இளைஞர்களுக்கு வேலைவாய்ப்பு மற்றும் பெண்களுக்கு மாதம் 1000 வழங்கப்படும் என்ற 5 வாக்குறுதிகளை வெளியிட்டார்.

    இந்தியா கூட்டணியில் அங்கம் வகிக்கும் காங்கிரஸ் ஏற்கனவே தனித்துப் போட்டியிடுவதாக அறிவித்தது குறிப்பிடத்தக்கது.

    • யாருக்கும் பெரும்பான்மை கிடைக்காத நிலையில் ஜேஜேபி கட்சி மற்றும் சுயேட்சைகளின் ஆதரவுடன் பாஜக ஆட்சியை பிடித்தது.
    • இந்தியா கூட்டணியின் உள்ள காங்கிரசும், ஆம் ஆதிமியும் தனித்தனியாக களம் காண்கிறது

    அரியானாவில் விரைவில் நடக்கவுள்ள சட்டமன்றத் தேர்தலில் மொத்தம் உள்ள 90 தொகுதிகளிலும் தனித்துப் போட்டியிடுவதாக ஆம் ஆத்மி கட்சி அறிவித்துள்ளது. முன்னதாக தனித்துக் களம் காண்பதாக காங்கிரஸ் அறிவித்திருந்ததைத் தொடர்ந்து ஆம் ஆத்மி இந்த முடிவை அறிவித்துள்ளது. ஆம் ஆத்மி மூத்த தலைவரும் எம்.பியுமான சஞ்சய் சிங், பஞ்சாப் முதலவர் பகவத் மான் கூட்டாக இந்த முடிவை அறிவித்துள்ளனர்.

     

    பெரும்பான்மைக்கு 46 இடங்கள் தேவையாக உள்ள நிலையில் அரியானாவில் 4 முனை போட்டி உருவாகியுள்ளது. கடைசியாக கடந்த 2019 ஆம் ஆண்டு நடந்த சட்டமன்றத் தேர்தலில் பாஜக 40 இடங்களிலும் காங்கிரஸ் 31 இடங்களிலும் வென்றது. துஷ்யந்த் சவுதாலாவின் ஜேஜேபி கட்சி 10 இடங்களை கைப்பற்றியது. யாருக்கும் பெரும்பான்மை கிடைக்காத நிலையில் ஜேஜேபி கட்சி மற்றும் சுயேட்சைகளின் ஆதரவுடன் பாஜக ஆட்சியை பிடித்தது.

    ஆனால் இடையிலேயே பாஜகாவுக்கான ஆதரவை ஜேஜேபி தலைவர் துஷ்யந்த் சவுதாலா முறித்துக்கொண்டார். சில சுயேச்சைகளும் பாஜகவுடனான ஆதரவை விலகிக் கொண்டு காங்கிரஸ் பக்கம் சாய்ந்துள்ளதால் தற்போது ஸ்திரத்தன்மை இலலாமல் அரியானாவில் பாஜக ஆட்சி தொடர்ந்து வருகிறது.

    இந்த நிலையில்தான் நடக்க உள்ள சட்டமன்றத் தேர்தலில் இந்தியா கூட்டணியின் உள்ள காங்கிரசும், ஆம் ஆதிமியும் தனித்தனியாக களம் காண்கிறது. பாஜக ஆதரவை முறித்துக்கொண்ட துஷ்யந்த் சவுதாலாவின் ஜேஜேபி கட்சி யாருக்கும் ஆதரவு தெரிவிக்காமல் கடந்த தேர்தலைப் போல தனித்து போட்டியிடும் என்று தெரிகிறது. எனவே பாஜக - காங்கிரஸ் - ஆம்ஆத்மி-ஜேஜேபி ஆகிய நான்கு கட்சிகளின்  முனை போட்டி  இந்த சட்டமன்றத் தேர்தலில் உருவாகியுள்ளது. 

    • மதுபானக் கொள்கை தொடர்பான பண மோசடி வழக்கில் அமலாக்கத்துறை கெஜ்ரிவாலை கைது செய்தது.
    • கைது செய்யப்பட்டுள்ளதால் முதல்வர் பதவியை ராஜினாமா செய்ய வேண்டும் என பாஜக வலியுறுத்தல்.

    ஆம் ஆத்மி கட்சியின் தேசிய ஒருங்கிணைப்பாளரான அரவிந்த் கெஜ்ரிவால் டெல்லி மாநில முதல்வராக இருந்து வருகிறார். டெல்லி மாநில மதுபான கொள்ளை தொடர்பான பணமோசடி வழக்கில் அமலாக்கத்துறை அவரை கைது செய்தது.

    இதனைத் தொடர்நது ஊழல் குற்றச்சாட்டில் கைது செய்யப்பட்டுள்ளதால் அரவிந்த் கெஜ்ரிவால் முதல்வர் பதவியை ராஜினாமா செய்ய வேண்டும் என பாஜகவினர் வலியுறுத்தினர். போராட்டம் நடத்தினர். தொடர்ந்து இது தொடர்பாக ஆம் ஆத்மி கட்சிக்கு நெருக்கடி கொடுத்து வருகின்றனர்.

    ஆனால், சிறையில் இருந்து கொண்டே மக்களுக்காக பணியாற்றுவேன். முதல்வர் பதவியை ராஜினாமா செய்யமாட்டேன் என்பதில் அரவிந்த் கெஜ்ரிவால் உறுதியாக உள்ளார்.

    அமலாக்கத்துறையைத் தொடர்ந்து சிபிஐ-யும் மதுபானக் கொள்கை உருவாக்கி அதை செயல்படுத்துவதில் முறைகேடு நடந்துள்ளதாக வழக்குப்பதிவு செய்து கெஜ்ரிவாலை கைது செய்துள்ளது.

    அமலாக்கத்துறை கைது செய்ததை எதிர்த்து அரவிந்த் கெஜ்ரிவால் உச்சநீதிமன்றத்தில் மனுதாக்கல் செய்தார். இந்த மனு மீதான விசாரணை முடிந்த நிலையில் இன்று அவருக்கு நீதிமன்றம் இடைக்கால ஜாமின் வழங்கியது.

    இந்த வழக்கு விசாரணையின்போது அரவிந்த் கெஜ்ரிவாலின் முதல்வர் பதவி குறித்து உச்சநீதிமன்றம் கருத்து கூறியுள்ளது. இது தொடர்பாக உச்சநீதிமன்றம் "தேர்ந்தெடுக்கப்பட்ட முதல்வரை பதவி விலகுமாறு நீதிமன்றம் அறிவுறுத்த முடியுமா... அல்லது முதல்வராகவோ, அமைச்சராகவோ செயல்படக்கூடாது என உத்தர விட முடியுமா? என்ற எங்களுக்குச் சந்தேகம் எங்களுக்கு உள்ளது.

    அரவிந்த் கெஜ்ரிவால் ஒரு தேர்ந்தெடுக்கப்பட்ட தலைவர் மற்றும் டெல்லி மாநில முதல்வர். அவர் வகிப்பது முக்கியத்துவமும் செல்வாக்கும் கொண்ட பதவி. நாங்கள் எந்த வழிகாட்டுதலையும் வழங்கவில்லை. ஆனால் அந்த முடிவை அரவிந்த் கெஜ்ரிவாலிடமே விட்டுவிடுகிறோம்" எனத் தெரிவித்துள்ளது.

    • நமது குறிக்கோளை நோக்கி அயராது உழைக்க வேண்டும்.
    • மோடிஆளுமைத் திறனாலும், தலைமைப் பண்பாலும் ஈர்க்கப்பட்டு, பாஜகவில் தங்களை இணைத்துக் கொண்டனர்.

    பாஜக தலைவர் அண்ணாமலை வெளியிட்டுள்ள செய்திகுறிப்பில் கூறியிருப்பதாவது,

    இன்றைய தினம், தமிழ்நாடு ஆம் ஆத்மி கட்சியின் இதர பிற்படுத்தப்பட்டோர் அணியின் மாநிலத் தலைவர் T.K.தமிழ்நெஞ்சம், அவர்கள் தலைமையில், தமிழ்நாடு ஆம் ஆத்மி கட்சியின் மாநில மற்றும் மாவட்ட நிர்வாகிகள், பாரதப் பிரதமர் நரேந்திர மோடிஆளுமைத் திறனாலும், தலைமைப் பண்பாலும் ஈர்க்கப்பட்டு, பாஜகவில் தங்களை இணைத்துக் கொண்டனர்.

    அவர்கள் அனைவரையும் வரவேற்று மகிழ்வதோடு, வலிமையான பாரதம், வளர்ச்சியடைந்த தமிழகம் என்ற நமது குறிக்கோளை நோக்கி அயராது உழைக்க வேண்டும் என்று கேட்டுக் கொள்கிறேன் என்று கூறியுள்ளார்.

    • ஆம் ஆத்மி கட்சி எம்.எல்.ஏவான கர்தார் சிங் தன்வார் அக்கட்சியில் இருந்து விலகி பா.ஜ.க.வில் இணைந்தார்.
    • ஊழலுக்கு முற்றுப்புள்ளி வைக்கும் இயக்கத்தில் இருந்து உருவான கட்சி ஊழலில் ஆழ்ந்துள்ளது என்றார்.

    புதுடெல்லி:

    தலைநகர் டெல்லியில் ஆம் ஆத்மி கட்சியின் முதல் மந்திரியாக அரவிந்த் கெஜ்ரிவால் பதவி வகித்து வருகிறார்.

    இந்நிலையில், டெல்லி ஆம் ஆத்மி எம்.எல்.ஏவான கர்தார் சிங் தன்வார் மற்றும் முன்னாள் டெல்லி அமைச்சர் ராஜ்குமார் ஆனந்த், அவரது மனைவி ஆகியோர் டெல்லி பா.ஜ.க. தலைவர் வீரேந்திர சச்தேவா மற்றும் பா.ஜ.க. தேசிய பொதுச்செயலாளர் அருண் சிங் ஆகியோர் முன்னிலையில் இன்று பா.ஜ.க.வில் இணைந்தனர்.

    பா.ஜ.க.வில் இணைந்தது குறித்து எம்.எல்.ஏ கர்தார் சிங் தன்வர் கூறுகையில், டெல்லி மோசமான நிலையில் உள்ளது. வளர்ச்சிப் பணிகள் இல்லாததால் தண்ணீர் மற்றும் சுகாதாரம் தொடர்பான பிரச்சனைகளால் மக்கள் அவதியடைந்து வருகின்றனர். ஊழலுக்கு முற்றுப்புள்ளி வைக்கும் இயக்கத்தில் இருந்து உருவான கட்சி ஊழலில் ஆழ்ந்துள்ளது என குறிப்பிட்டார்.

    • மணீஷ் சிசோடியாவை கடந்த ஆண்டு பிப்ரவரி 26-ம் தேதி சி.பி.ஐ. கைது செய்தது.
    • இடைக்கால ஜாமின் கோரி மணீஷ் சிசோடியா தாக்கல் செய்த மனு தள்ளுபடி ஆனது.

    புதுடெல்லி:

    மதுபான கொள்கை முறைகேடு வழக்கில் ஆம் ஆத்மி கட்சியின் மூத்த தலைவரும், டெல்லி முன்னாள் துணை முதல் மந்திரியுமான மணீஷ் சிசோடியாவை கடந்த ஆண்டு பிப்ரவரி 26-ம் தேதி சி.பி.ஐ. கைது செய்தது. மேலும், அவர்மீது அமலாக்கத்துறையும் வழக்கு பதிவு செய்துள்ளது.

    இதையடுத்து மணீஷ் சிசோடியா டெல்லி திகார் சிறையில் அடைக்கப்பட்டார். இதற்கிடையே, பாராளுமன்ற தேர்தலில் ஆம் ஆத்மி கட்சி சார்பில் பிரசாரம் மேற்கொள்ள இடைக்கால ஜாமின் கோரி மணீஷ் சிசோடியா டெல்லி கோர்ட்டில் மனுதாக்கல் செய்தார். இந்த மனு மீது விசாரணை நடந்து வந்தது. டெல்லி உயர் நீதிமன்றம் மணீஷ் சிசோடியாவின் இடைக்கால ஜாமின் மனுவை நிராகரித்து கடந்த 20-ம் தேதி உத்தரவிட்டது.

    இதற்கிடையே, இந்த வழக்கு விசாரணை தொடர்பாக மணீஷ் சிசோடியாவின் நீதிமன்ற காவல் இன்றுடன் நிறைவடைந்தது.

    இந்நிலையில், இன்று ரோஸ் அவென்யு கோர்ட்டில் சி.பி.ஐ. அவரை நேரில் ஆஜர்படுத்தியது. அப்போது வழக்கு விசாரணைக்கு கூடுதல் அவகாசம் வழங்கவேண்டும் என சி.பி.ஐ. தரப்பில் கோரிக்கை விடுக்கப்பட்டது. இந்த வழக்கை விசாரித்த கோர்ட், பணமோசடி வழக்கில் மணீஷ் சிசோடியாவின் நீதிமன்ற காவலை வரும் 15-ம் தேதி வரை நீட்டித்து உத்தரவிட்டது.

    • பஞ்சாபின் முன்னேற்றத்திற்காக உழைக்க விரும்பும் அனைத்து மக்களுக்கும் மேடையை வழங்குவதே எங்களது முக்கிய நோக்கம்.
    • மக்கள் பாஜக மற்றும் காங்கிரஸை முற்றிலுமாக நிராகரித்து விட்டனர்.

    முன்னாள் துணை மேயர் பர்வேஷ் டாங்ரி, முன்னாள் பிஎஸ்எஸ்சி இயக்குநரும், வார்டு எண் 78 ஜகதீஷ் ராம் சாம்ராய் மற்றும் ராஜ் குமார் ராஜு ஆகியோர் பா.ஜ.க மற்றும் காங்கிரசில் இருந்து விலகி ஆம் ஆத்மி கட்சியில் இணைந்துள்ளனர்.

    பஞ்சாப்பில் ஜகதீஷ் ராம் சாம்ராய் ஒரு முக்கிய தலைவர். பல ஆண்டுகளாக அரசியலில் தீவிரமாக உள்ள அவர் பிபிசிசியில் பல பதவிகளை வகித்துள்ளார். ஜலந்தர் மேற்கு சட்டமன்றத் தொகுதி இடைத்தேர்தலுக்கு முன்பாக துணை மேயர் மற்றும் எம்.சி.க்கள் அந்தந்த கட்சிகளில் இருந்து விலகியிருப்பது பாஜக மற்றும் காங்கிரஸுக்கு பெரும் பின்னடைவை ஏற்படுத்தும்.

    பஞ்சாப் மாநிலத்தில் உள்ள ஜலந்தர் நகராட்சியில் கவுன்சிலராக உள்ள ஜகதீஷ்ம் ராம் சாம்ராய் கடந்த 40 நாட்களில் 3 கட்சிகளுக்கு தாவியுள்ளார்.

    காங்கிரஸ் கட்சியில் இருந்து பா.ஜ.க.வுக்கு தாவி பிரசாரத்தில் ஈடுபட்ட இவர் நேற்று அம்மாநில முதலமைச்சரை சந்தித்து ஆம் ஆத்மி கட்சியில் சேர்ந்துள்ளார்.

    நிகழ்ச்சியில் முதல்-மந்திரி பகவந்த் மான் கூறுகையில், ஆம் ஆத்மி கட்சி நாளுக்கு நாள் வலுவடைந்து வருகிறது, மேலும் ஜலந்தர் மேற்கு இடைத்தேர்தலில் ஆம் ஆத்மி அமோக வெற்றியைப் பதிவு செய்யும்.

    நாங்கள் ஒரு குடும்பம் போன்றவர்கள். பஞ்சாபின் முன்னேற்றத்திற்காக உழைக்க விரும்பும் அனைத்து மக்களுக்கும் மேடையை வழங்குவதே எங்களது முக்கிய நோக்கம். மக்கள் பாஜக மற்றும் காங்கிரஸை முற்றிலுமாக நிராகரித்து விட்டனர். அவர்களின் தலைவர்கள் தொடர்ந்து ஆம் ஆத்மி கட்சியில் இணைவது, அனைத்து தலைவர்களும் தங்கள் எதிர்காலத்தையும், பஞ்சாபின் எதிர்காலத்தையும் ஆம் ஆத்மி கட்சியுடன்தான் பார்க்கிறார்கள் என்பதை நிரூபிக்கிறது, என்று மான் கூறினார்.

    • அமலாக்கத்துறை மற்றும் சிபிஐ அமைப்புகள் கெஜ்ரிவாலை கைது செய்துள்ளன.
    • மூன்று நாள் சிபிஐ காவலில் எடுத்து விசாரணை நடத்த நீதிமன்றம் அனுமதி.

    டெல்லி மாநில முதல்வர் அரவிந்த் கெஜ்ரிவால் அம்மாநில மதுபானக் கொள்கை தொடர்பான பண மோசடி வழக்கில் கைது செய்யப்பட்டார். அமலாக்கத்துறை கைது செய்ததை எதிர்த்து ஜாமின் கேட்டு போராடி வந்த நிலையில் ஜாமின் கிடைப்பதற்கான வாய்ப்பு கிட்டியது. இந்த நிலையில் சிபிஐ கைது செய்துள்ளது.

    தற்போது நாடாளுமன்ற கூட்டத்தொடர் நடைபெற்று வருகிறது. இதில் இந்தியா கூட்டணி கட்சி தலைவர்கள் அரவிந்த் கெஜ்ரிவாலுக்கு எதிராக குரல் கொடுக்க வேண்டும் என ஆம் ஆத்மி கட்சி தலைவர் சஞ்சய் சிங் வேண்டுகோள் விடுத்துள்ளார்.

    மேலும், தொடர்பாக இந்தியா கூட்டணி கட்சி தலைவர்களுடன் பேசுவேன். ஏற்கனவே உத்தவ் தாக்கரேயிடம் பேசியுள்ளேன். காங்கிரஸ் தலைவர்களுடன் பேசுவேன். பாஜக விசாரணை அமைப்புகளை தவறாக பயன்படுத்துகிறது. அனைத்து எதிர்க்கட்சிகளுக்கும் இது தொடர்பாக குரல் எழுப்ப வேண்டுகோள் விடுக்கப்படும்.

    மாநிலத்தை பொறுத்த வரையில் எங்களுக்கும் காங்கிரஸ்க்கும் இடையில் வேறுபாடு உள்ளது. ஆனால் அரசியலமைப்பு, ஜனநாயகம் மற்றும் விசாரணை அமைப்புகள் தவறாக பயன்படுத்துதல் போன்ற தேசிய அளவில் பாஜக-வுக்கு எதிராக எதிராக கட்சிகள்" என்றார்.

    • தலைநகர் டெல்லியில் குடிநீர் பிரச்சனை தலைவிரித்தாடி வருகிறது.
    • குடிநீர் பிரச்சனையை தீர்க்க வலியுறுத்தி பிரதமருக்கு டெல்லி மந்திரி அதிஷி கடிதம் எழுதியுள்ளார்.

    புதுடெல்லி:

    தலைநகர் டெல்லியில் கடுமையான குடிநீர் தட்டுப்பாடு நிலவி வருகிறது. டெல்லியில் நிலவும் குடிநீர் தட்டுப்பாட்டை சமாளிக்க அரியானா உள்ளிட்ட அண்டை மாநிலங்களில் இருந்து கூடுதலாக நீர் திறக்க வேண்டுமென கோரி சுப்ரீம் கோர்ட் உத்தரவிட்டது.

    இந்நிலையில், டெல்லி மந்திரியும், ஆம் ஆத்மி கட்சி தலைவருமான அதிஷி, குடிநீர் பிரச்சனையை பிரதமர் மோடி தலையிட்டு தீர்க்க வேண்டும் என கடிதம் எழுதியுள்ளார். இதுதொடர்பாக, அதிஷி இன்று செய்தியாளர்களைச் சந்தித்தார். அப்போது அவர் கூறியதாவது:

    டெல்லியில் 28 லட்சம் பேர் குடிநீரின்றி தவித்து வருகின்றனர். இதுதொடர்பாக பிரதமர் மோடிக்கு கடிதம் எழுதி உள்ளேன்.

    குடிநீர் பிரச்சனையை பிரதமர் மோடி தலையிட்டு தீர்க்க வேண்டும். ஜூன் 21-ம் தேதிக்குள் உரிய குடிநீரை பெற்றுத்தர நடவடிக்கை எடுக்க வேண்டும்.

    இரு நாளுக்குள் பிரச்சனையை சரிசெய்ய நடவடிக்கை எடுக்கவில்லை என்றால், ஜூன் 21-ம் தேதி முதல் காலவரையற்ற உண்ணாவிரத போராட்டத்தில் ஈடுபடுவோம்.

    அரியானா அரசு தங்களது பங்கு குடிநீரை திறந்து விடவில்லை. மக்கள் வெயிலின் தாக்கம் மட்டுமின்றி, குடிநீர் பற்றாக்குறையையும் எதிர்கொள்கின்றனர்.

    தண்ணீர் பிரச்சனையை தீர்க்குமாறு பிரதமர் நரேந்திர மோடிக்கு கடிதம் எழுதியுள்ளேன். தண்ணீர் திறக்கக்கோரி அரியானா அரசுக்கு பல கடிதங்கள் எழுதியுள்ளோம் என தெரிவித்துள்ளார்.

    • மந்திரி பதவியை ராஜினாமா செய்துவிட்டு, கட்சியில் இருந்து விலகி மாயாவதி கட்சியில் இணைந்தார்.
    • பகுஜன் சமாஜ் கட்சி சார்பில் மக்களவை தேர்தலில் போட்டியிட்டார்.

    டெல்லி மாநில முன்னாள் மந்திரி ராஜ் குமார் ஆனந்த். ஆம் ஆத்மி கட்சியை சேர்ந்த இவர் மந்திரி பதவியை ராஜினாமா செய்ததுடன், ஆம் ஆத்மி கட்சியில் இருந்தும் ராஜினாமா செய்வதாக அறிவித்தார். பின்னர் பகுஜன் சமாஜ் கட்சியில் இணைந்தார்.

    இதனைத் தொடர்ந்து ஆம் ஆத்மி கட்சி சார்பில் கட்சி தாவல் தடைச்சட்டத்தின் கீழ் நடவடிக்கை எடுக்க சபாநாயகரிடம் கோரிக்கை விடுக்கப்பட்டது.

    அதன்படி ஜூன் 10-ந்தேதி விளக்கம் அளிக்கும்படி அவருக்கு நோட்டீஸ் அனுப்பப்பட்டது. ஆனால் அதற்கு அவர் பதில் அளிக்கவில்லை. ஜூன் 11-ந்தேதி நேரில் வந்து ஆஜராகும்படி கேட்டுக்கொள்ளப்பட்டது. அப்போதும் நேரில் வந்து ஆஜராகவில்லை.

    அதனைத் தொடர்ந்து இன்று (ஜூன் 14-ந்தேதி) ஆஜராக இன்னொரு வாய்ப்பு வழங்கப்பட்டது. ஆனால் ஆஜராக வரவில்லை. இதனால் அவருடைய சட்டமன்ற உறுப்பினர் பதவி தகுதி நீக்கம் செய்யப்பட்டுள்ளது என சபாநாயகர் ராம் நிவாஸ் கோயல் தெரிவித்துள்ளார். கடந்த மே 31-ந்தேதி கட்சித் தாவல் தடைசட்டத்தின் கீழ் ஜூன் 10-ந்தேதி பதில் அளிக்க கேட்டுக்கொள்ளப்பட்டது.

    இது தொடர்பாக ராஜ் குமார் ஆனந்த் கூறுகையில் "தகுதி நீக்கம் குறித்து சட்டப்பூர்வ ஆலோசனை கேட்பேன். முழுமையான உத்தரவை பார்த்த பிறகு, சட்டபூர்வ ஆலோசனை கேட்பேன்.

    ராஜ் குமார் ஆனந்த் பட்டேல் நகர் தொகுதியில் இருந்து 2020 டெல்லி சட்டமன்ற தேர்தலின்போது போது வெற்றி பெற்று எம்.எல்.ஏ. ஆனார்.

    பகுஜன் சமாஜ் கட்சி சார்பில் மக்களவை தேர்தலில் போட்டியிட்டு தோல்வியடைந்தார் என்பது குறிப்பிடத்தக்கது.

    • பாராளுமன்ற தேர்தலில் இந்தியா கூட்டணியுடன் இணைந்து ஆம் ஆத்மி கட்சி போட்டியிட்டது.
    • டெல்லியில் நடைபெற்ற 7 தொகுதிகளிலும் இந்தியா கூட்டணி தோல்வியைத் தழுவியது.

    புதுடெல்லி:

    பாராளுமன்ற தேர்தலில் இந்தியா கூட்டணியுடன் இணைந்து ஆம் ஆத்மி கட்சி போட்டியிட்டது. டெல்லியில் நடைபெற்ற 7 தொகுதிகளிலும் இந்தியா கூட்டணி தோல்வியைத் தழுவியது.

    இதற்கிடையே, தலைநகர் தலைநகர் டெல்லியில் மொத்தமுள்ள 70 தொகுதிகளுக்கான சட்டசபைத் தேர்தல் அடுத்த ஆண்டு பிப்ரவரி மாதம் நடைபெற உள்ளது.

    இந்நிலையில், ஆம் ஆத்மி கட்சி கட்சித் தலைவர் கோபால் ராய் இன்று செய்தியாளர்களைச் சந்தித்தார். அப்போது அவர், பாராளுமன்ற தேர்தலுக்காக இந்தியா கூட்டணியுடன் இணைந்து போட்டியிட்டோம். வரும் சட்டசபைத் தேர்தலில் ஆம் ஆத்மி கட்சி இந்தியா கூட்டணியுடன் இணைந்து போட்டியிடாது. டெல்லி மக்களுடன் இணைந்து சட்டசபைத் தேர்தலை தனியாகச் சந்திப்போம் என தெரிவித்தார்.

    ×