என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
செய்திகள்
X
ஷாங்காய் ஒத்துழைப்பு அமைப்பின் அடுத்த மாநாட்டை இந்தியா நடத்துகிறது
Byமாலை மலர்2 Nov 2019 8:36 AM GMT (Updated: 2 Nov 2019 8:36 AM GMT)
ஷாங்காய் ஒத்துழைப்பு அமைப்பின் அடுத்த மாநாட்டை இந்தியா நடத்தும் என உஸ்பெகிஸ்தான் பிரதமர் அப்துல்லா கூறியுள்ளார்.
தாஷ்கண்ட்:
உலகின் பலம் பொருந்திய அமைப்புகளில் ஒன்றான ஷாங்காய் ஒத்துழைப்பு அமைப்பில் சீனா, இந்தியா, கஜகஸ்தான், கிர்கிஸ்தான், பாகிஸ்தான், ரஷியா, தஜிகிஸ்தான் மற்றும் உஸ்பெகிஸ்தான் ஆகிய 8 நாடுகள் உறுப்பினர்களாக உள்ளன. இந்த நாடுகளிடையே பாதுகாப்பு, பொருளாதாரம், பயங்கரவாத செயல்களுக்கு எதிரான நடவடிக்கை உள்ளிட்ட பல்வேறு துறைகளில் ஒத்துழைப்பை ஏற்படுத்தும் வகையில் மாநாடு நடத்தப்பட்டு, விரிவாக ஆலோசனை நடத்தப்படுகிறது.
அவ்வகையில், ஷாங்காய் ஒத்துழைப்பு அமைப்பின் அடுத்த மாநாட்டை இந்தியா தலைமை தாங்கி நடத்தும் என உஸ்பெகிஸ்தான் பிரதமர் அப்துல்லா அரிபோவ் இன்று கூறி உள்ளார்.
“ஷாங்காய் ஒத்துழைப்பு அமைப்பின் அடுத்த மாநாட்டை இந்தியாவில் நடத்துவதற்கு நாங்கள் ஒப்புதல் அளிக்கிறோம். முதல் முறையாக நமது அமைப்பில் இடம்பெற்றுள்ள நாடுகளின் தலைவர்களின் கவுன்சிலுக்கு இந்தியா தலைமை தாங்க உள்ளது. தாஷ்கண்டில் நடந்த மாநாட்டின்போது, இந்த பொறுப்பான பணியை ஏற்றுக்கொண்டதற்காக இந்தியாவுக்கு எனது வாழ்த்துக்கள்” என்று பிரதமர் குறிப்பிட்டிருப்பதாக செய்தி வெளியாகி உள்ளது.
இந்தியாவும் பாகிஸ்தானும் இந்த அமைப்பில் கடந்த 2017ம் ஆண்டுதான் உறுப்பினராக இணைந்தது குறிப்பிடத்தக்கது.
Next Story
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X