தீபாவளி: தென்னிந்தியாவுக்கு 36 சிறப்பு ரெயில்கள்

சென்னை:

தீபாவளி பண்டிகை வருகிற 12-ந்தேதி கொண்டாடப்பட உள்ளது. இதை முன்னிட்டு சிறப்பு பேருந்துகள் மற்றும் சிறப்பு ரெயில்கள் அறிவிக்கப்பட்டு அதற்கான முன்பதிவு டிக்கெட்டுகள் முழுமையாக விற்றுத் தீர்ந்தது.

இதை அடுத்து கூடுதல் ரெயில்களை இயக்க வேண்டும் என தெற்கு ரெயில்வேக்கு பயணிகள் கோரிக்கை விடுத்தனர்.

இந்நிலையில், தீபாவளி பண்டிகையையொட்டி தென்னிந்தியாவுக்கு 36 சிறப்பு ரெயில்கள் இயக்கப்படுவதாக அறிவிக்கப்பட்டுள்ளது.

சென்னை, நெல்லை, நாகர்கோவில், கோவை, மங்களூர், பெங்களூரு, கொச்சுவேலி உள்ளிட்ட இடங்களுக்கு சிறப்பு ரெயில்கள் இயக்கப்படுகிறது.