கால்பந்து விளையாடும் தென்ஆப்பிரிக்கா கண்டத்தில் உள்ள நாடுகளுக்கு இடையிலான கோபா அமெரிக்கா கால்பந்து தொடர் பிரேசில் நாட்டில் நடைபெற்று வருகிறது. முதல் அரையிறுதி ஆட்டத்தில் அர்ஜெண்டினாவை வீழ்த்தி இறுதிப் போட்டிக்கு முன்னேறியது பிரேசில்.
இந்திய நேரப்படி இன்று நடப்பு சாம்பியன் சிலி - பெரு அணிகள் மோதிய 2-வது அரையிறுதி ஆட்டம் நடைபெற்றது. இதில் பெரு அணி வீரர்கள் அபாரமாக விளையாடினர்.
ஆட்டத்தின் 21-வது நிமிடத்தில் பெரு அணியின் எடிசன் பிளோர்ஸ் முதல் கோலை பதிவு செய்தார். 38-வது நிமிடத்தில் யோஷிமர் யோட்டுன் கோல் அடித்தார். இதனால் முதல் பாதி நேரத்தில் பெரு 2-0 என முன்னிலைப் பெற்றது.
2-வது பாதி நேரத்தில் இரு அணிகளும் கோல் அடிக்க முயற்சி செய்தனர். ஆனால் கோல் ஏதும் விழவில்லை. இன்ஜூரி நேரமான 91-வது நிமிடத்தில் பெரு மேலும் ஒரு கோல் அடிக்க 3-0 என சிலியை வீழ்த்தி இறுதிப் போட்டிக்கு முன்னேறியது.
7-ந்தேதி நள்ளிரவு நடைபெறும் இறுதிப் போட்டியில் பிரேசில் - பெரு அணிகள் சாம்பியன் கோப்பைக்காக பலப்பரீட்சை நடத்துகின்றன.
