பிரெஞ்ச் கோப்பை காலிறுதி: டி மரியாவின் சிறப்பான ஆட்டத்தால் பிஎஸ்ஜி அரையிறுதிக்கு முன்னேற்றம்

பிரெஞ்ச் கோப்பை கால்பந்து காலிறுதி ஆட்டம் ஒன்றில் பாரிஸ் செயின்ட் ஜெர்மைன் டிஜோன் அணியை எதிர்கொண்டது. பிஎஸ்ஜி முன்னணி வீரர்களான நெய்மர், கவானி ஆகியோர் இல்லாமல் களம் இறங்கியது. ஆனால் டி மரியா அபாரமான ஆட்டத்தை வெளிப்படுத்தினார்.

8-வது மற்றும் 28-வது நிமிடத்தில் அடுத்தடுத்து கோல் அடித்து அசத்தினார். இதனால் முதல் பாதி நேரத்தில் பிஎஸ்ஜி 2-0 என முன்னிலைப் பெற்றது. 2-வது பாதி நேரத்தில் அந்த அணியின் தாமஸ் மியுனியர் 76-வது நிமிடத்தில் கோல் அடிக்க பிஎஸ்ஜி 3-0 என முன்னிலைப் பெற்றது.

அதன்பின் டிஜோன் அணியால் கோல் அடிக்க இயலவில்லை. இதனால் பிஎஸ்ஜி 3-0 என வெற்றி பெற்று அரையிறுதிப் போட்டிக்கு முன்னேறியுள்ளது.