search icon
என் மலர்tooltip icon

    செய்திகள்

    கெய்ல் போன்று சிக்ஸர்கள் விளாச முடியாது, ஆனால் விரைவாக ரன்கள் சேர்க்க இயலும்: ஜோ ரூட்
    X

    கெய்ல் போன்று சிக்ஸர்கள் விளாச முடியாது, ஆனால் விரைவாக ரன்கள் சேர்க்க இயலும்: ஜோ ரூட்

    இங்கிலாந்து ஒருநாள் கிரிக்கெட் அணியின் முதுகெலும்பாக திகழும் ஜோ ரூட், கெய்ல் போன்று சிக்ஸர்கள் விளாச முடியாது என்று தெரிவித்துள்ளார். #JoeRoot
    இங்கிலாந்து அணியின் மிடில் ஆர்டர் பேட்ஸ்மேன் ஜோ ரூட். இந்த தலைமுறையின் சிறந்த வீரர்களில் ஒருவராக கருதப்படுகிறார். இந்தியாவிற்கு எதிரான ஒருநாள் தொடரில் இரண்டு சதங்கள் விளாசினார். வெஸ்ட் இண்டீஸ் அணிக்கெதிரான முதல் ஒருநாள் போட்டியில் 350-க்கு மேற்பட்ட ரன்களை சேஸிங் செய்யும்போது சதம் அடித்து அசத்தினார்.

    டெஸ்ட் மற்றும் ஒருநாள் போட்டியில் சிறப்பாக விளையாடி வரும் ஜோ ரூட், டி20 கிரிக்கெட்டில் அதிக அளவில் விளையாடியது கிடையாது. ஐபிஎல் தொடரில் அவரை எந்த அணியும் ஏலத்தில் எடுக்கவில்லை. சமீபத்தில் நடைபெற்ற பிக் பாஷ் லீக்கில் சில போட்டிகளில் விளையாடினார்.

    இந்நிலையில் கிறிஸ் கெய்ல் போன்று என்னால் சிக்ஸர்கள் விளாச முடியாது. ஆனால் விரைவாக ரன்கள் குவிக்க இயலும் என்று தெரிவித்துள்ளார்.

    இதுகுறித்து ஜோ ரூட் கூறுகையில் ‘‘இங்கிலாந்து அணிக்காக நான் விளையாடுவதை மிகவும் விரும்புகிறேன். கடந்த இரண்டு மூன்று வருடங்களாக நான் அதிக அளவில் டி20 கிரிக்கெட் போட்டியில் விளையாடும் வாய்ப்பை பெறவில்லை. டி20 போட்டியில் விளையாடுவதற்கு தயாராக இருக்கிறேன். அதில் சிறப்பாக விளையாட முடியும் என்று நினைக்கும்போது, அந்த வாய்ப்பை தவறவிட விரும்ப மாட்டேன்.

    கிறிஸ் கெய்ல் டி20 கிரிக்கெட்டில் அதிக சிக்ஸர்கள் விளாசுவதுபோல் என்னால் அடிக்க இயலாது. ஆனால் விரைவாக ரன்கள் குவிக்க இயலும். அவரைப்போல் கேலரிகளுக்கு பந்தை அனுப்ப இயலாது. ஆனால், 95 மைல் வேகத்தில் வரும் பந்தை டாப் எட்ஜ் மூலம் சிக்சருக்கு விளாச முடியும்’’  என்றார்.
    Next Story
    ×