மத்திய பிரதேசத்தில் உள்ள மகாராஜா யஷ்வந்த்ராவ் மருத்துவமனையின் குழந்தைகள் நலப் பிரிவில் ஒரு பெண்ணிற்கு குழந்தை பிறந்துள்ளது. அதிகாலை 3 மணியளவில் குழந்தைக்கு பால் கொடுக்க அந்த பெண் சென்றுள்ளார். அப்போது குழந்தையின் கால் விரல்களை எலி கடித்து திண்றதை பார்த்து பேரதிர்ச்சி அடைந்தார்.
உடனடியாக உறவினர்களிடம் இதுகுறித்து கூறினார். அவர்கள் மருத்துவமனையில் இதுகுறித்து புகார் அளித்தனர். குழந்தையின் தந்தை இதுகுறித்து கூறுகையில் ‘‘என்னுடைய மனைவி அதிகாலை 3 மணியளவில் குழந்தைக்கு பால் கொடுக்க சென்றுள்ளார். அப்போது எலிகள் எனது குழந்தையின் கால் விரல்களை கடித்து குதறியதை பார்த்துள்ளார். தற்போது என குழந்தையின் காலில் கால் விரல்கள் இல்லை’’ என வேதனையுடன் தெரிவித்தார்.
இச்சம்பவம் குறித்து மருத்துவமனை சூப்பிரெண்டு டாக்டர் பிரேமந்த்ரா தாகூர் கூறுகையில் ‘‘குழந்தைக்கான சிகிச்சை தொடங்கியுள்ளது. இதுகுறித்து விசாரணை நடத்த குழு அமைக்கப்பட்டுள்ளது’’ என்றார்.
