ஸ்ரீநகர் :
ஜம்மு காஷ்மீர் மாநிலத்தின் 13-வது கவர்னராக சத்யபால் மாலிக் நேற்று பதவியேற்றார். அவருக்கு ஸ்ரீநகரில் உள்ள ராஜ் பவனில் அம்மாநில உயர்நீதிமன்ற நீதிபதி கீதா மிட்டால் முன்பு பதவியேற்றார்.
இந்நிகழ்ச்சியில் முன்னாள் முதல்-மந்திரிகள் பரூக் அப்துல்லா, மெக்பூபா முப்தி உட்பட 400 விருந்தினர்கள் கலந்து கொண்டனர்.
மேலும் மத்திய ரிசர்வ் படை வீரர்கள், எல்லை பாதுகாப்பு படை வீரர்கள் மற்றும் ராணுவ வீரர்களும் பதவியேற்பு நிகழ்ச்சியில் பங்கேற்றனர். தற்போது கவர்னராக பொறுப்பேற்றுள்ள சத்யபால் மாலிக், பீகார் மாநிலத்தின் முன்னாள் கவர்னர் ஆவார்.
சத்யபால் மாலீக் காஷ்மீர் கவர்னரானதை தொடர்ந்து பீகார் மாநில கவர்னராக அறிவிக்கப்பட்ட லால் ஜீ தாண்டென் பாட்னாவில் அம்மாநில உயர்நீதிமன்ற நீதிபதி முகேஷ் ஆர் ஷா முன்னிலையில் நேற்று பதவியேற்றார்.
இந்த பதவியேற்பு விழாவில் முதல்-மந்திரி நிதிஷ் குமார், துணை முதல்-மந்திரி சுஷில் குமார் மோடி ஆகியோர் பங்கேற்றனர்.
