திருப்பூர்:
ஆகஸ்டு 7-ந்தேதி முதல் 11-ந்தேதி வரை 8-ம் வகுப்பு தனித்தேர்வர்களுக்கு பொதுத்தேர்வு நடக்கிறது. இத்தேர்வில் ஆகஸ்டு 1ந் தேதி அன்று 12.5 வயது பூர்த்தி அடைந்தவர் பங்கேற்கலாம். www.dge.tn.gov.in என்ற இணையதளத்தில் தேர்வு எழுதுவோர் பதிவு செய்யலாம். வருகிற 28ம் தேதி வரை விண்ணப்பிக்க அவகாசம் உள்ளது.
தேர்வு கட்டணமாக 125, பதிவு கட்டணமாக 70 ரூபாய் சேர்த்து 195 ரூபாய் செலுத்த வேண்டும். இத்தேர்வுக்கு ஆன்லைன் மூலம் பெறப்படும் விண்ணப்பங்கள் மட்டுமே ஏற்றுக்கொள்ளப்படும். தபால் விண்ணப்பங்கள் நிராகரிக்கப்படும். மேலும் விரிவான தகவல்களை மேற்கண்ட இணையதள முகவரியில் அறிந்து கொள்ளலாம் என கல்வித்துறையினர் தெரிவித்தனர்.
