என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
உள்ளூர் செய்திகள்
பெண்கள் பள்ளிக்குள் சுவர் ஏறி குதித்த வடமாநில வாலிபர்- தர்மஅடி கொடுத்த பொதுமக்கள்
- பள்ளியின் பின்புறம் இடிந்த மதில் சுவர் மீது ஏறிய வாலிபர் ஒருவர் உள்ளே குதித்தார்.
- பள்ளியில் அனைத்து பகுதிகளுக்கும் சுவர் எழுப்பி மாணவிகளின் பாதுகாப்பை பள்ளி நிர்வாகம் உறுதிபடுத்த வேண்டும்.
கோவை:
கோவை துடியலூர் அருகே உள்ள அசோகபுரம் ரங்கம்மாள் காலனியில் அரசு பெண்கள் உயர்நிலைப்பள்ளி உள்ளது. 6 முதல் 10-ம் வகுப்பு வரை உள்ள இந்த பள்ளியில் 500-க்கும் மேற்பட்ட மாணவிகள் படிக்கின்றனர்.
பள்ளியின் பின்புறம் கழிப்பிடம் உள்ளது. இதனையொட்டி இடிகரை செல்லும் சாலையும் உள்ளது. நேற்று மாலை இடிந்த மதில் சுவர் மீது ஏறிய வாலிபர் ஒருவர் உள்ளே குதித்தார். இதைப்பார்த்து அதிர்ச்சியடைந்த மாணவிகள் அலறியடித்து ஓட்டம் பிடித்தனர்.
சத்தம் கேட்டு அந்த வழியே சென்ற பொதுமக்கள் பள்ளிக்கூடத்திற்குள் புகுந்த வாலிபரை பிடித்து தர்ம அடி கொடுத்தனர். பின்னர் போலீசாருக்கு தகவல் தெரிவித்தனர். உடனடியாக போலீசார் சம்பவ இடத்துக்கு விரைந்து சென்றனர். பின்னர் வாலிபரை மீட்டு போலீஸ் நிலையம் அழைத்து சென்று விசாரணை நடத்தினர்.
விசாரணையில் அவர் பீகாரை சேர்ந்த சர்வன் குமார் (20) என்பதும், கோவை கலெக்டர் காலனி பகுதியில் வசிப்பதும் தெரிய வந்தது. அவர் குடிபோதையில் இருந்ததால் விசாரிப்பதில் தாமதம் ஏற்பட்டது.
இதுகுறித்து பெற்றோர் மற்றும் பொதுமக்கள் கூறியதாவது 'பள்ளியில் ஒரு சில இடங்களில் காம்பவுண்டு சுவர் இடிந்து கிடக்கின்றது. அனைத்து பகுதிகளுக்கும் சுவர் எழுப்பி மாணவிகளின் பாதுகாப்பை பள்ளி நிர்வாகம் உறுதிபடுத்த வேண்டும்.
இவ்வாறு அவர்கள் கூறினர்.
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்