கடத்தூர்,
தருமபுரி மாவட்டம் பாப்பிரெட்டிப்பட்டி வட்டார அளவிலான மாணவிகளுக்கான விளையாட்டு போட்டிகள் கடத்தூர் அரசு பெண்கள் மேல்நிலைப் பள்ளியில் நடைபெற்றது.
இந்த விளையாட்டுப் போட்டிகளை கடத்தூர் பேரூராட்சி தலைவர் மணி, துணைத் தலைவர் தீர்த்தகிரி, ஆண்கள் மேல்நிலைப்பள்ளி பி.டி.ஏ. தலைவர் முத்துசாமி, பச்சையப்பன், சதீஷ்குமார் ஆகியோர் தொடங்கி வைத்தனர்.
கபடி, வாலிபால், டென்னிஸ், கோ -கோ உள்ளிட்ட விளையாட்டுப் போட்டிகள் நடைபெற்றது. இதில் பாப்பிரெட்டிப்பட்டி வட்டார பகுதிகளில் உள்ள தனியார் மற்றும் அரசு பள்ளி மாணவிகள் பங்கேற்று விளையாடினர்.
