திண்டுக்கல்:
திண்டுக்கல் மாவட்டம் பழனி தாலுகா போலீஸ் சரகத்துக்குட்பட்ட புதுஆயக்குடி வெள்ளிபாளையத்தை சேர்ந்த கனகராஜ் (வயது32), நத்தம் அருகில் உள்ள லிங்கவாடியை சேர்ந்த நல்லியப்பன் (58), அதே பகுதியை சேர்ந்த சிவம் (26) ஆகிய 3 பேரும் கொலை வழக்குகளில் கைது செய்யப்பட்டு சிறையில் உள்ளனர்.
இவர்கள் 3 பேரின் குற்ற நடவடிக்கையை ஒடுக்கும் பொருட்டு அவர்களை குண்டர் சட்டத்தின்கீழ் கைது செய்ய போலீஸ் சூப்பிரண்டு பாஸ்கரன் மாவட்ட கலெக்டருக்கு பரிந்துரை செய்தார்.
கலெக்டர் விசாகன் உத்தரவைத் தொடர்ந்து அவர்கள் 3 பேரும் குண்டர் சட்டத்தின்கீழ் கைது செய்யப்பட்டு மதுரை மத்திய சிறையில் அடைக்கப்பட்டுள்ளனர். திண்டுக்கல் மாவட்டத்தில் நடப்பு ஆண்டில் இதுவரை குற்றவழக்குகளில் தொடர்புடைய 92 பேர் குண்டர் சட்டத்தின்கீழ் கைது செய்யப்பட்டுள்ளனர் என்பது குறிப்பிடத்தக்கது.
