என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
செய்திகள்
X
நெல் சாகுபடியில் இலைச்சுருட்டு புழு தாக்குதல் - உடுமலை வயல்களில் அதிகாரிகள் குழுவினர் ஆய்வு
Byமாலை மலர்13 Oct 2021 6:24 AM GMT (Updated: 13 Oct 2021 6:24 AM GMT)
இலைகளை மடக்கி அல்லது இரண்டு இலைகளை இணைத்து பச்சையம் சுரண்டி காணப்படும். அதனை பிரித்து பார்த்தால் இளம் பச்சை நிற புழு தென்படுவது இதன் அறிகுறியாகும்.
உடுமலை:
உடுமலை வட்டாரம் அமராவதி பழைய ஆயக்கட்டு பாசனம் கல்லாபுரம், ராமகுளம் கால்வாய் பகுதிகளில் ஆயிரம் ஏக்கர் பரப்பளவில் சம்பா நெல் சாகுபடி செய்யப்பட்டுள்ளது.
இப்பகுதிகளில் வேளாண் துறை உதவி இயக்குனர் தேவி, வேளாண் அலுவலர் அமல்ராஜ் ஆகியோர் கொண்ட குழுவினர் வயல் ஆய்வு செய்தனர். அப்போது ஒரு சில பகுதிகளில் இலைச்சுருட்டு புழு தாக்குதல் காணப்பட்டது.
இதுகுறித்து வேளாண் துறை அதிகாரிகள் கூறியதாவது :
இலைச்சுருட்டு புழு தாக்குதல் ஒரு சில இடங்களில் பொருளாதார சேத நிலைக்கு கீழ் காணப்படுகிறது. இலைகளை மடக்கி அல்லது இரண்டு இலைகளை இணைத்து பச்சையம் சுரண்டி காணப்படும்.
அதனை பிரித்து பார்த்தால் இளம் பச்சை நிற புழு தென்படுவது இதன் அறிகுறியாகும். இவ்வாறு காணப்படும் பகுதிகளில் 100 குத்துக்கு 10 குத்துக்களுக்கு மேல் பாதிப்பு இருந்தால் மட்டுமே மருந்து தெளிக்க வேண்டும். வரப்புகளை களைகள் இன்றி பராமரிக்க வேண்டும்.
அசாடிராக்டின் 0.03 சதவீதம் கரைசல் ஏக்கருக்கு 400 மில்லி அல்லது வேம்பு விதை கரைசல் 5 சதவீதம் அல்லது குளோரன்ட்ரானிப்ரோல் 18.5 சதவீதம் ஏக்கருக்கு 60 கிராம் என்ற அளவில் தெளித்தால் கட்டுப்படுத்தலாம்.
இதுகுறித்து விவசாயிகளுக்கு விளக்கம் அளிக்கப்பட்டுள்ளது. மேலும், விவரங்களுக்கு வேளாண் துறை அலுவலர்களை தொடர்பு கொள்ளலாம் என்றனர்.
Next Story
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X