என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
செய்திகள்
X
குடிமங்கலம் ஒன்றியத்தில் இ.சேவை மையம் - கிராமமக்கள் எதிர்பார்ப்பு
Byமாலை மலர்15 Sep 2021 6:15 AM GMT (Updated: 15 Sep 2021 6:15 AM GMT)
போதிய பஸ் வசதி இல்லாத நிலையில் 30 கி.மீ., க்கும் அதிகமான தொலைவு பயணித்து உடுமலையிலுள்ள இ-சேவை மையங்களில் விண்ணப்பிக்கின்றனர்.
உடுமலை:
குடிமங்கலம் ஒன்றியத்தில் 23 ஊராட்சிகள் உள்ளன. மக்கள் தொகை அடிப்படையில் பெதப்பம்பட்டி, குடிமங்கலம் என இரு வருவாய் உள்வட்டங்கள் உள்ளன.
கிராமங்களை மட்டும் உள்ளடக்கிய வருவாய் உள்வட்டத்தில் வருவாய்த்துறை மற்றும் இதர அரசுத்துறைகள் சார்ந்த அனைத்து சேவைகளுக்கும் போதியளவு இ-சேவை மையம் இல்லாததால் மக்கள் சிரமப்படும் நிலை ஏற்பட்டுள்ளது.
அனைத்து சேவைகளுக்கும், உடுமலை நகரிலுள்ள இ-சேவை மையங்களுக்கே செல்ல வேண்டிய நிலை ஏற்பட்டுள்ளது. போதிய பஸ் வசதி இல்லாத நிலையில் 30 கி.மீ., க்கும் அதிகமான தொலைவு பயணித்து உடுமலையிலுள்ள இ-சேவை மையங்களில் விண்ணப்பிக்கின்றனர்.
அங்கும் நாளொன்றுக்கு விண்ணப்பிக்க குறைந்தளவு டோக்கன்களே வினியோகிக்கப்படுவதால் ஏமாற்றத்துடன் திரும்பி செல்கின்றனர்.
தற்போது ஸ்மார்ட் ரேஷன்கார்டில் கைரேகை பதிவு செய்தல், ஆதார் அட்டையில் திருத்தம், புதிதாக ஆதார் அட்டை பதிவு செய்தல் உள்ளிட்ட சேவைகளுக்காக நாள்தோறும் நூற்றுக்கணக்கான கிராம மக்கள் உடுமலை தாலுகா அலுவலகத்திலுள்ள இ-சேவை மையத்தில் குவிகின்றனர்.
இத்தகைய சேவைகள் கிராமப்புறத்திலுள்ள சேவை மையங்களில் வழங்கப்படுவதில்லை. எனவே, அனைத்து சேவைகளையும் உள்ளடக்கிய இ-சேவை மையத்தை குடிமங்கலம் ஒன்றியத்தில் துவக்க வேண்டும் என கிராமமக்கள் எதிர்பார்க்கின்றனர்.
Next Story
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X