என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
செய்திகள்
X
பேக்கரி கடையின் கதவை உடைத்து ரூ.9 ஆயிரம் திருட்டு
Byமாலை மலர்27 Sep 2020 11:29 AM GMT (Updated: 27 Sep 2020 11:29 AM GMT)
அவினாசியில் பேக்கரி கடையின் கதவை உடைத்து ரூ.9 ஆயிரத்தை திருடிச்சென்ற மர்ம ஆசாமிகளை போலீசார் தேடிவருகிறார்கள்.
அவினாசி:
அவினாசி-மங்கலம் ரோட்டில் நெல்லை பேக்கரி செயல்பட்டு வருகிறது. இந்த கடையை மைக்கேல் என்பவர் நடத்தி வருகிறார். இந்த நிலையில் நேற்று முன்தினம் இரவு கடை உரிமையாளர் மைக்கேல் வியாபாரம் முடிந்ததும் கடையை பூட்டிவிட்டு வீட்டுக்கு சென்றுவிட்டார்.
பின்னர் நேற்று காலை வழக்கம் போல் கடையை திறக்க வந்து பார்த்தபோது கடையின் கதவில் பூட்டு உடைக்கப்பட்டிருப்பதை கண்டு அதிர்ச்சியடைந்தார். இதையடுத்து உடனடியாக கடைக்குள் சென்று பார்த்தார். அப்போது கடையில் இருந்த மேஜை டிராயரை மர்ம ஆசாமிகள் உடைத்து அதிலிருந்த ரூ.9 ஆயிரம் மற்றும் 30 ஆயிரம் மதிப்புள்ள சிகரெட் பாக்கெட்டுகளை திருடிச்சென்றது தெரியவந்தது.
இது குறித்து அவினாசி போலீசில் மைக்கேல் புகார் செய்தார். அதன் பேரில் அவினாசி போலீசார் சம்பவ இடத்தை பார்வையிட்டு விசாரணை நடத்தி வருகின்றனர். மேலும் அந்த கடையில் பொருத்தப்பட்டிருந்த கண்காணிப்பு கேமராவில் பதிவாகி இருந்த காட்சியை பார்த்த போது அதில் 25 வயது மதிக்கத்தக்க ஆசாமி ஒருவர் முகமூடி அணிந்தபடியும், மற்றொருவர் முகமூடி அணியாமலும் கடையின் ஷட்டர் பூட்டை உடைத்து பணம் மற்றும் சிகரெட் பெட்டிகளை திருடிச் சென்றது தெரியவந்தது.
Next Story
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X