சென்னையில் 2 தொகுதிகளை கூட்டணி கட்சிகளுக்கு விட்டுக் கொடுத்தது அதிமுக

சென்னையில் 3 பாராளுமன்ற தொகுதி மற்றும் 16 சட்டசபை தொகுதிகள் உள்ளன. ஆரம்ப கட்டத்தில் சென்னையில் உள்ள பாராளுமன்ற, சட்டசபை தொகுதிகளில் திமுக வெற்றி பெற்று வந்தது. பின்னர் அதிமுக சென்னையில் ஒருசில தொகுதிகளில் மட்டுமே வெற்றிபெற முடிந்தது.

ஆனால் கடந்த 2011-ம் ஆண்டு நிலைமை மாறியது. அந்த தேர்தலில் அதிமுக 16 சட்டமன்ற தொகுதிகளில் 14-ஐ பிடித்தது. 2014 பாராளுமன்ற தேர்தலில் அதிமுக தனித்து நின்று 3 தொகுதிகளிலும் வெற்றி பெற்றது. 2016 சட்டசபை தேர்தலில் மொத்தம் உள்ள 16 தொகுதிகளில் திமுக 10 தொகுதிகளை கைப்பற்றியது. அதிமுக-வுக்கு 6 தொகுதிகள் கிடைத்தன.

இப்போது நடைபெற இருக்கும் பாராளுமன்ற தேர்தலில் சென்னையில் அதிமுக 2 தொகுதிகளை கூட்டணி கட்சிகளுக்கு விட்டுக் கொடுத்திருக்கிறது. தென்சென்னையில் அதிமுக நிற்கிறது. வட சென்னையை தேமுதிக-வுக்கும், மத்திய சென்னையை பாமக-வுக்கும் விட்டுக் கொடுத்துள்ளது.