மண்டலபூஜை நிறைவு விழாவையொட்டி தேசத்து மாரியம்மன் கோவிலில் சிறப்பு யாகம்

தர்மபுரி மாவட்டம் தா.அய்யம்பட்டி கிராமத்தில் தேசத்து மாரியம்மன் கோவில் கும்பாபிஷேக விழா நடைபெற்றது. விழாவையொட்டி தொடர்ந்து 48 நாட்கள் மண்டல பூஜை நடைபெற்றது. இந்த மண்டல பூஜை நிறைவு விழாவையொட்டி பால்குட ஊர்வலம் மற்றும் சிறப்பு யாகம் நடைபெற்றது. பின்னர் தேசத்து மாரியம்மன், விநாயகர், முருகர், ஊர் மாரியம்மன், மழையூர் மாரியம்மன் மற்றும் பரிவார மூர்த்திகளுக்கு சிறப்பு அபிஷேகம் நடைபெற்றது.

பின்னர் அம்மனுக்கு சிறப்பு அலங்காரம் மற்றும் மகா தீபாராதனை நடைபெற்றது. விழாவில் திரளான பக்தர்கள் சமூக இடைவெளியுடன் பங்கேற்று சாமி தரிசனம் செய்தனர். இதற்கான ஏற்பாடுகளை விழாக்குழுவினர் மற்றும் ஊர் பொதுமக்கள் செய்திருந்தனர்.