தென்னிந்திய நடிகர்களில் ஒரு முன்னணி நடிகராக விளங்குபவர் நடிகர் நாகார்ஜுனா. தெலுங்கு நடிகரான இவர் தெலுங்கு மட்டுமில்லாது பிற மொழிப்படங்கள் பலவற்றிலும் நடித்து வருகிறார்.
தற்போது இந்தி திரை உலகில் மீண்டும் ஒரு படத்தில் நடிக்க உள்ளார் நாகார்ஜுனா. அயன் முகர்ஜி இயக்கும் இப்படத்துக்கு ‘பிரம்மாஸ்திரா’ எனத் தலைப்பு வைக்கப்பட்டுள்ளது. அமிதாப் பச்சன், ரன்பீர் கபூர், அலியா பட், மவுனி ராய் ஆகியோர் நடிக்கும் இந்தப் படத்தில் முக்கிய வேடத்தில் நடிக்கிறார் நாகார்ஜுனா.
சூப்பர் ஹீரோ பேன்டஸி படமாக உருவாகும் இதை கரண் ஜோஹர் தயாரிக்கிறார். 2019-ம் ஆண்டு ஆகஸ்டு 15-ம் தேதி சுதந்திர தின வெளியீடாக வர இருக்கிறது. சுமார் 15 ஆண்டுகளுக்கு முன்பு ‘லாக் கார்கில்’ என்ற இந்தி படத்தில் நடித்திருந்தார் நாகார்ஜுனா.
ஜே.பி.தத்தா தயாரித்து இயக்கியிருந்த இப்படத்தில் அஜய் தேவ்கன், சஞ்சய் தத், கரண் நாத், சுனில் ஷெட்டி, சஃயீப் அலிகான், ராணி முகர்ஜி, கரீனா கபூர், ஈஷா தியோல், ரவீனா டாண்டன் எனப் பெரிய நட்சத்திர பட்டாளமே நடித்தனர். அதன் பிறகு இப்போதுதான் இந்திப்படத்தில் நடிக்கிறார் நாகார்ஜுனா.
