தொழில்நுட்பம்
5000 எம்.ஏ.ஹெச். பேட்டரி கொண்ட சென்ஃபோன் மேக்ஸ் ப்ரோ எம்2 இந்தியாவில் அறிமுகம்
அசுஸ் நிறுவனம் மேக்ஸ் ப்ரோ எம்1 ஸ்மார்ட்போனின் மேம்படுத்தப்பட்ட மேக்ஸ் ப்ரோ எம்2 ஸ்மார்ட்போனினை இந்தியாவில் அறிமுகம் செய்தது. #AsusZenFoneMaxProM2
அசுஸ் நிறுவனம் தனது மேக்ஸ் ப்ரோ எம்1 ஸ்மார்ட்போனின் மேம்படுத்தப்பட்ட சென்ஃபோன் மேக்ஸ் ப்ரோ எம்2 ஸ்மார்ட்போனினை இந்தியாவில் அறிமுகம் செய்தது.
புது மேக்ஸ் ப்ரோ எம்2 ஸ்மார்ட்போனில் 6.26 இன்ச் FHD+ டிஸ்ப்ளே, கார்னிங் கொரில்லா கிளாஸ் 6 பாதுகாப்பு, ஸ்னாப்டிராகன் 660 பிராசஸர், 4 ஜி.பி. ரேம், ஸ்டாக் ஆண்ட்ராய்டு 8.1 இயங்குதளமும், ஜனவரி மாதத்தில் ஆண்ட்ராய்டு 9 பை அப்டேட் வழங்குவதாக அசுஸ் அறிவித்துள்ளது.
இத்துடன் புகைப்படங்களை எடுக்க 12 எம்.பி. பிரைமரி கேமரா, 5 எம்.பி. இரண்டாவது பிரைமரி கேமரா, 13 எம்.பி. செல்ஃபி கேமரா, எல்.இ.டி. ஃபிளாஷ், வேகமான ஃபாஸ்ட் அன்லாக் வசதி வழங்கப்பட்டுள்ளது. இதுதவிர புது ஸ்மார்ட்போனில் ஏ.ஐ. அம்சங்கள் மற்றும் EIS உள்ளிட்ட வசதிகளுக்கான அப்டேட் விரைவில் வழங்கப்படும் என அசுஸ் அறிவித்துள்ளது.
கிளாஸ் பேக், கார்னிங் கொரில்லா கிளாஸ் பாதுகாப்பு, பின்புறம் கைரேகை சென்சார், பிரத்யேக டூயல் சிம் ஸ்லாட், மைக்ரோ எஸ்.டி. ஸ்லாட்கள், டூயல் 4ஜி வோல்ட்இ, 5000 எம்.ஏ.ஹெச். பேட்டரி, மைக்ரோ யு.எஸ்.பி. போர்ட், ஃபாஸ்ட் சார்ஜிங் வசதி வழங்கப்பட்டுள்ளது.
அசுஸ் சென்ஃபோன் மேக்ஸ் ப்ரோ எம்2 சிறப்பம்சங்கள்
- 6.26 இன்ச் 2280x1080 பிக்சல் ஃபுல் ஹெச்.டி. பிளஸ் 19:9 டிஸ்ப்ளே
- ஆக்டாகோர் ஸ்னாப்டிராகன் 660 14 என்.எம். பிராசஸர்
- அட்ரினோ 512 GPU
- 3 ஜி.பி. ரேம், 32 ஜி.பி. மெமரி
- 4 ஜி.பி. ரேம், 64 ஜி.பி. மெமரி
- 6 ஜி.பி. ரேம், 64 ஜி.பி. மெமரி
- மெமரியை கூடுதலாக நீட்டிக்கும் வசதி
- ஆண்ட்ராய்டு 8.1 ஓரியோ
- டூயல் சிம் ஸ்லாட்
- 12 எம்.பி. பிரைமரி கேமரா, எல்.இ.டி. ஃபிளாஷ், சோனி IMX486 சென்சார், f/1.8, 1.25μm பிக்சல், EIS, ப்ரோ மோட்
- 5 எம்.பி. இரண்டாவது பிரைமரி கேமரா
- 13 எம்.பி. செல்ஃபி கேமரா, f/2.0, எல்.இ.டி. ஃபிளாஷ்
- கைரேகை சென்சார்
- 3.5 எம்.எம். ஆடியோ ஜாக்
- டூயல் 4ஜி வோல்ட்இ, வைபை, ப்ளூடூத்
- 5000 எம்.ஏ.ஹெச். பேட்டரி
அசுஸ் சென்ஃபோன் மேக்ஸ் ப்ரோ எம்2 ஸ்மார்ட்போன் புளு மற்றும் டைட்டானியம் என இருவித நிறங்களில் கிடைக்கிறது. இந்தியாவில் 3 ஜி.பி. ரேம் வெர்ஷன் விலை ரூ.12,999 என்றும் 4 ஜி.பி. ரேம் வெர்ஷன் விலை ரூ.14,999 என்றும், 6 ஜி.பி. ரேம் வெர்ஷன் விலை ரூ.16,999 என நிர்ணயம் செய்யப்பட்டுள்ளது. அசுஸ் சென்ஃபோன் மேக்ஸ் ப்ரோ எம்2 பிளிப்கார்ட் தளத்தில் மட்டும் டிசம்பர் 18ம் தேதி முதல் விற்பனை துவங்குகிறது.