ரூ.75-க்கு 10 ஜிபி டேட்டா அன்லிமிட்டெட் வாய்ஸ் கால் வழங்கும் பி.எஸ்.என்.எல்.

பி.எஸ்.என்.எல். நிறுவன பிரீபெயிட் பயனர்களுக்கு புதிய சலுகை அறிவிக்கப்பட்டுள்ளது. அதன்படி ரூ.75 விலையில் கிடைக்கும் புதிய சலுகையில் பயனர்களுக்கு அன்லிமிட்டெட் வாய்ஸ் கால், 10 ஜிபி டேட்டா மற்றும் 500 எஸ்.எம்.எஸ். உள்ளிட்டவை வழங்கப்படுகிறது. இந்த சலுகையின் வேலிடிட்டி 15 நாட்கள் ஆகும், எனினும் இதனை நீட்டிக்க முடியும்.

அந்த வகையில் பயனர்கள் ரூ.75 சலுகையின் பலன்களை வேலிடிட்டி நிறைவுற்றதும் ரூ.98 அல்லது அதற்கும் அதிக தொகை செலுத்தி 18 நாட்களுக்கு நீட்டித்துக் கொள்ள முடியும். பி.எஸ்.என்.எல். புதிய ரூ.75 சலுகை ரிலையன்ஸ் ஜியோ ஏற்கனவே வழங்கி வரும் ரூ.98 சலுகைக்கு போட்டியாக அமைந்துள்ளது. 

ரிலையன்ஸ் ஜியோ ரூ.98 சலுகையில் 2 ஜிபி டேட்டா, 300 எஸ்.எம்.எஸ். மற்றும் அன்லிமிட்டெட் வாய்ஸ் கால் உள்ளிட்டவை 28 நாட்களுக்கு வழங்கப்படுகிறது. முன்னதாக பி.எஸ்.என்.எல். ரூ.171 சலுகையை அறிவித்தது. இந்த சலுகையில் தினமும் 2 ஜிபி டேட்டா, அன்லிமிட்டெட் வாய்ஸ் கால், தினமும் 100 எஸ்.எம்.எஸ். உள்ளிட்டவை 30 நாட்களுக்கு வழங்கப்படுகிறது.

பி.எஸ்.என்.எல். தற்சமயம் அறிவித்திருக்கும் ரூ.75 சலுகை ஆந்திர பிரதேசம் மற்றும் தெலுங்கானா வட்டாரங்களில் மட்டும் வழங்கப்படுவதாக டெலிகாம் டாக் குறிப்பிட்டிருக்கிறது. இந்த சலுகையில் பயனர்களுக்கு அன்லிமிட்டெட் அழைப்புகள் வழங்கப்படுவதாக அறிவிக்கப்பட்டாலும், மும்பை மற்றும் டெல்லி வட்டாரங்களுக்கு பொருந்தாது.

புதிய பி.எஸ்.என்.எல். சலுகை மற்ற வட்டாரங்களில் வழங்கப்படுவது குறித்து இதுவரை எவ்வித தகவலும் இல்லை. இதுதவிர பி.எஸ்.என்.எல். ரூ.98, ரூ.99, ரூ.118, ரூ.139, ரூ.187, ரூ.198, ரூ.333, ரூ.339, ரூ.349, ரூ.395, ரூ.444, ரூ.447 மற்றும் ரூ.551 விலையில் சலுகைகளை வழங்குகிறது. #BSNL #offer