செய்திகள்
மெக்சிகோவில் சாலை விபத்து- 7 பேர் பலி
மெக்சிகோவில் நேற்று நிகழ்ந்த சாலை விபத்தில் 7 பேர் பலியாகினர். 6 பேர் படுகாயம் அடைந்தனர்.
மெக்சிகோ சிட்டி:
மெக்சிகோ நாட்டின் ஹிடால்கோ மாநிலத்தில் உள்ளது சிமாபன் நகரம். இங்குள்ள சிமாபன் கலாச்சார மையத்தின் இசைக்குழுவைச் சேர்ந்த சிறுவர்கள், நேற்று ஒரு வாகனத்தில் மெக்சிகோ சிட்டிக்கு சென்று கொண்டிருந்தனர். அவர்களது பெற்றோர்கள் மற்றொரு வாகனத்தில் சென்றனர்.
மெக்சிகோ - லரேடோ நெடுஞ்சாலையில் சென்று கொண்டிருந்த போது எதிர்பாராத விதமாக பெற்றோர்கள் சென்ற வாகனம் கட்டுப்பாட்டை இழந்ததால் சாலையோரத்தில் இருந்த பள்ளத்தில் கவிழ்ந்தது. இதில் சம்பவ இடத்திலேயே 7 பேர் பலியாகினர். மேலும் 6 பேர் படுகாயம் அடைந்தனர்.
தகவல் அறிந்து சம்பவ இடத்திற்கு சென்ற போலீசார் காயம் அடைந்தவர்களை மீட்டு அருகிலுள்ள மருத்துவமனையில் அனுமதித்தனர். மேலும் விபத்து குறித்து விசாரணை நடத்தி வருகின்றனர்.