குத்துச் சண்டை வீரர் விஜேந்தர் சிங் தொடர்ச்சியாக 11 வெற்றிகள் பெற்று சாதனை

இந்தியாவின் முன்னணி குத்துச் சண்டை வீரராக திகழ்ந்தவர் விஜேந்தர் சிங். இவர் திடீரென இந்தியாவுக்காக விளையாடுவதில் இருந்து விலகி, தொழில்முறை குத்துச் சண்டையில் பங்கேற்று விளையாடி வருகிறார். இதற்கு 10 போட்டிகளில் தொடர்ச்சியாக வெற்றி பெற்று வந்த விஜேந்தர் சிங், அமெரிக்காவில் இந்திய நேரப்படி இன்று காலை நடைபெற்ற போட்டியில் மைக் ஸ்னைடரை எதிர்கொண்டார்.

எட்டு சுற்றுகளை கொண்ட சூப்பர் மிடில்வெயிட் போட்டியில் நான்காவது சுற்றிலேயே மைக் ஸ்னைடரை வீழ்த்தி சாம்பியன் பட்டம் வென்றார் விஜேந்தர் சிங்.

வெற்றி குறித்து விஜேந்தர் சிங் கூறுகையில் ‘‘நீண்ட நாட்களுக்குப் பிறகு மீண்டும் களம் இறங்கியது சிறப்பானது. அமெரிக்காவில் முதன்முறையாக கலந்து கொண்டு அதில் வெற்றி பெற்றது மகிழ்ச்சி அளிக்கிறது’’ என்றார்.