அயர்லாந்து, இங்கிலாந்து டி20 தொடருக்கான 16 பேர் கொண்ட இந்திய அணி அறிவிப்பு

இந்திய அணி வருகிற ஜூன் மாதம் முதல் செப்டம்பர் மாதம் வரை அயர்லாந்து மற்றும் இங்கிலாந்தில் சுற்றுப் பயணம் செய்து டி20, ஒருநாள் மற்றும் டெஸ்ட் தொடரில் விளையாடுகிறது. முதலில் அயர்லாந்துக்கு எதிராக இரண்டு டி20 போட்டியில் விளையாடுகிறது. அதன்பின் இங்கிலாந்துக்கு எதிராக மூன்று டி20 போட்டிகளில் விளையாடுகிறது.

இதற்கான இந்திய டி20 அணி இன்று அறிவிக்கப்பட்டது. விராட் கோலி கேப்டனாக தேர்வு செய்யப்பட்டுள்ளார். ஐபிஎல் தொடரில் சிறப்பாக விளையாடி வரும் லோகேஷ் ராகுல், சித்தார்த் கவுல் ஆகியோருக்கு இடம் கிடைத்துள்ளது. அத்துடன் சுழற்பந்தில் சாஹல், குல்தீப் யாதவ் உடன் வாஷிங்டன் சுந்தர் இடம்பிடித்துள்ளார். அஸ்வின், ஜடேஜாவிற்கு மீண்டும் வாய்ப்பு கிடைக்கவில்லை.


சித்தார்த் கவுல்

அயர்லாந்து மற்றும் இங்கிலாந்து அணிகளுக்கு எதிராக விளையாடும் இந்திய டி20 அணியில் இடம் பிடித்துள்ள வீரர்கள் விவரம்:-

1. விராட் கோலி (கேப்டன்), 2. தவான், 3. ரோகித் சர்மா, 4. லோகேஷ் ராகுல், 5. சுரேஷ் ரெய்னா, 6. மணீஷ் பாண்டே, 7. டோனி (விக்கெட் கீப்பர்), 8. தினேஷ் கார்த்திக், 9. சாஹல், 10. குல்தீப் யாதவ், 11. வாஷிங்டன் சுந்தர், 12. புவனேஸ்வர் குமார், 13. பும்ரா, 14. ஹர்திக் பாண்டியா, 15. சித்தார்த் கவுல், 16. உமேஷ் யாதவ்.