செய்திகள்
சிறைக்கைதிகள் தயாரித்த 2 ஆயிரம் முக கவசங்கள்
மத்தியபிரதேச மாநிலம் ஜபல்பூரில் உள்ள மத்திய சிறையில் தண்டனை அனுபவித்து வரும் சுமார் 50 கைதிகள், கொரோனா வைரசில் இருந்து தற்காத்துக்கொள்ள அணியும் முக கவசங்களை தயாரித்துள்ளனர்.
போபால்:
மத்தியபிரதேச மாநிலம் ஜபல்பூரில் உள்ள மத்திய சிறையில் தண்டனை அனுபவித்து வரும் சுமார் 50 கைதிகள், கொரோனா வைரசில் இருந்து தற்காத்துக்கொள்ள அணியும் முக கவசங்களை தயாரித்துள்ளனர். மாநில சுகாதாரத்துறை கேட்டுக்கொண்டதன்பேரில், 2 ஆயிரம் முக கவசங்களை உருவாக்கி உள்ளனர்.
தலைமை சுகாதார அதிகாரி ஆய்வு செய்து, அவை தரமானதாக இருப்பதாக சான்று அளித்துள்ளார். முக கவசத்துக்கான காட்டன் துணியை சிறையில் உள்ள விசைத்தறியிலேயே நெய்துள்ளனர். ஒரு முக கவசத்தின் விலை 7 ரூபாய் என்ற அடிப்படையில், சுகாதாரத்துறைக்கு வினியோகிக்க உள்ளனர்.