காரை பார்க் செய்துவிட்டு வீட்டின் கதவை மூடுவதற்குள் துப்பாக்கி முனையில் கொள்ளை

புது டெல்லி:

டெல்லியைச் சேர்ந்தவர் வருண் பால். இவர் தனது மனைவியின் பெற்றோர் வீட்டிற்கு குடும்பத்துடன் கடந்த சனிக்கிழமை சென்றுள்ளார். அங்கிருந்து நேற்று நள்ளிரவு 2 மணி அளவில் வீடு திரும்பியுள்ளார்.

காரை வீட்டின் முன்பு உள்ள வராண்டாவில் பார்க் செய்துவிட்டு, வருண் மட்டும் காரில் இருந்து இறங்கி கதவினை மூடச் சென்றுள்ளார். அதற்குள் முகமூடி அணிந்த 3 மர்ம நபர்கள் வாசலில் இருசக்கர வாகனத்தில் இருந்து இறங்கியுள்ளனர்.

பின்னர் கண் இமைக்கும் நேரத்தில் துப்பாக்கியுடன் வருணின் வீட்டினுள் நுழைந்தனர். வருணிடம் துப்பாக்கியைக் காட்டி பணம் கேட்டு மிரட்டியுள்ளனர். வருணும் பயந்துப்போய் அனைத்தையும் கொடுத்துள்ளார்.

#WATCH Delhi: Family robbed at gunpoint by three masked miscreants at the parking of their residence in Model Town area around 3 am today. pic.twitter.com/KLFWbkMVpZ

— ANI (@ANI) July 1, 2019

இதனையடுத்து வருண், காவல் நிலையத்தில் புகார் கொடுத்துள்ளார். போலீசார் எப்ஐஆர் பதிவு செய்து அந்த நபர்களை தேடி வருகின்றனர். மேலும் அந்த மர்ம நபர்கள், ஏற்கனவே இதுபோன்ற சம்பவங்களில் ஈடுபட்டுள்ளனர் என தெரிய வந்துள்ளது குறிப்பிடத்தக்கது.