தாய்க்கு இரண்டாவது திருமணம்.. மகனின் நெகிழ்ச்சியான பதிவு என்ன? - பேஸ்புக்கில் படுவைரல்

திருவனந்தபுரம்:

கேரள மாநிலத்தின் கொல்லம் அருகே உள்ள பள்ளிமூன் பகுதியைச் சேர்ந்தவர் கோகுல் ஸ்ரீதர். இளைஞரான இவரது தாய்க்கு இரண்டாவது திருமணம் நடந்துள்ளது. இது குறித்து பேஸ்புக்கில் பதிவு ஒன்றை வெளியிட்டிருந்தார்.

இந்த பதிவிற்கு சில நொடிகளிலேயே 31 ஆயிரம் லைக்குகள் வந்துள்ளன. மேலும் 3 ஆயிரத்துக்கும் மேற்பட்டோர் பகிர்ந்துள்ளனர். இந்த பதிவில் கோகுல் கூறியிருப்பதாவது:


என் கண் முன்னே நிறைய பார்த்துள்ளேன். நான் 10ம் வகுப்பு படித்தபோது, ஒரு முறை அம்மா நெற்றியில் ரத்தம் சொட்ட சொட்ட வீட்டில் நின்றுக் கொண்டிருந்தார். அப்போது ஏன் இப்படி சகித்துக் கொண்டிருக்கிறீர்கள் என கேட்டேன்.

அதற்கு அவர், எல்லாம் உனக்காகத்தான். இப்போது மட்டுமல்ல. இனியும் பொறுத்துக் கொள்வேன் என கூறினார். அது இன்றும் என் நினைவில் உள்ளது. அன்று என் அம்மா வீட்டில் இருந்து என் கைகளைப் பிடித்துக் கொண்டு வெளியேறினார்.