மம்தா பானர்ஜி வெளிநாடு சுற்றுப்பயணம்

கொல்கத்தா :

மேற்குவங்காளத்தின் தொழில்துறையில் வெளிநாடுகளின் முதலீடுகளை அதிகரிக்க செய்யும் வகையில் ஒவ்வொரு ஆண்டும் வங்காள உலக வர்த்தக மாநாடு நடத்தப்படுகிறது. இந்த மாநாட்டில் பல்வேறு நாடுகளை சேர்ந்த பிரதிநிதிகள் பங்கேற்பார்கள்.

அதன் ஒரு அங்கமாக மேற்குவங்காள முதல்-மந்திரி மம்தா பானர்ஜி ஜெர்மனி மற்றும் இத்தாலி ஆகிய 2 நாடுகளில் 12 நாட்கள் பயணம் மேற்கொள்கிறார்.

அதன்படி நிதித்துறை மந்திரி அமித் மித்ரா, நிதித்துறை செயலாளர் திவிவேதி மற்றும் முதன்மை செயலாளர் மலாய் டே ஆகியோருடன் மம்தா பானர்ஜி ஜெர்மனி புறப்பட்டு சென்றார்.

இந்த பயணத்தின் போது அந்தந்த நாடுகளின் பிரதிநிதிகளுடன் தொழில்துறையில் முதலீடுகளை பெருக்குவது குறித்து மம்தா பானர்ஜி முக்கிய ஆலோசனை நடத்துகிறார்.

இந்த பயணம் ஆண்டு தோறும் நடைபெறும் வங்காள உலக வர்த்தக மாநாட்டுக்கு உத்வேகமாக இருக்கும் என்றும், அதன் முக்கியத்துவத்தை பெருக்கும் என்றும் மம்தா பானர்ஜி நம்பிக்கை தெரிவித்துள்ளார். #MamataBanerjee #WorldTradeConference