2 சிறுமிகளை பாலியல் பலாத்காரம் செய்ய முயற்சி - போக்சோ சட்டத்தில் வாலிபர் கைது

ராசிபுரம்:

ராசிபுரம் அருகேயுள்ள அத்தனூர் ஆண்டிக்குழி பகுதியைச் சேர்ந்தவர் வரதராஜ். இவரது மகன் விஜய் (வயது 23). இவரது பக்கத்து வீட்டைச் சேர்ந்த பெண் ஒருவரின் வீட்டில் இருந்து வந்த 7 வயது மற்றும் 10 வயது உள்ள இரண்டு சிறுமிகள் அந்தப் பகுதியில் உள்ள ஒரு சோளக்காட்டில் இயற்கை உபாதையை கழிக்க சென்றுள்ளனர்.

அப்போது அந்த 2 சிறுமிகளையும் வாலிபர் விஜய் பாலியல் பலாத்காரம் செய்ய முயற்சித்ததாக கூறப்படுகிறது. இந்த நிலையில் விஜய் கடந்த 1-ந் தேதி அன்று 7 வயது சிறுமியை மீண்டும் பாலியல் பலாத்காரம் செய்ய முயற்சித்ததாக கூறப்படுகிறது.

இதுகுறித்து 7 வயது சிறுமியின் தாயார் விஜய் மீது நடவடிக்கை எடுக்கக்கோரி ராசிபுரம் அனைத்து மகளிர் போலீஸ் நிலையத்தில் புகார் அளித்தார். அதன்பேரில் மகளிர் இன்ஸ்பெக்டர் இந்திரா வழக்குப்பதிவு செய்து சிறுமிகளை பாலியல் பலாத்காரம் செய்ய முயன்றதாக போக்சோ சட்டத்தில் விஜய்யை கைது செய்தார்.