செய்திகள்
நடுக்கடலில் தத்தளித்த 6 மீனவர்கள் மீட்பு
படகில் திடீர் பழுது ஏற்பட்டதால் நடுக்கடலுக்குள் மூழ்க தொடங்கிய மீனவர்கள் 6 பேரை மற்றொரு படகில் இருந்த மீனவர்கள் விரைந்து சென்று மீட்டனர்.
தூத்துக்குடி:
தூத்துக்குடி திரேஸ்புரத்தை சேர்ந்தவர் பிரதீப் (வயது 43). மீனவர். இவர் தனது நாட்டுப்படகில், அதே பகுதியை சேர்ந்த மீனவர்கள் பிரசாத் (39), ஆரோக்கியம் (30), ஜேம்ஸ் (30), ஜெரால்டு (35), பிதேலி (35) ஆகியோருடன் நேற்று முன்தினம் காலை 7 மணிக்கு திரேஸ்புரத்தில் இருந்து மீன்பிடிக்க சென்றனர். அவர்கள் நேற்று அதிகாலையில் தூத்துக்குடியில் இருந்து சுமார் 35 கடல் மைல் தொலைவில் மீன்பிடித்துக் கொண்டிருந்தனர்.
அப்போது எதிர்பாராதவிதமாக படகில் திடீர் பழுது ஏற்பட்டது. இதனால் படகு கடலுக்குள் மூழ்க தொடங்கியது. படகில் இருந்த 6 மீனவர்களும் கடலில் தத்தளித்துக் கொண்டிருந்தனர். அப்போது அந்த பகுதியில் மீன்பிடித்துக் கொண்டிருந்த மற்றொரு படகில் இருந்த மீனவர்கள் விரைந்து சென்று கடலில் தத்தளித்த 6 மீனவர்களையும் மீட்டனர். மேலும், படகையும் கயிறு கட்டி திரேஸ்புரம் கரைக்கு இழுத்து வந்தனர். இதனால் 6 மீனவர்களும் பத்திரமாக கரைக்கு திரும்பினர்.
தூத்துக்குடி திரேஸ்புரத்தை சேர்ந்தவர் பிரதீப் (வயது 43). மீனவர். இவர் தனது நாட்டுப்படகில், அதே பகுதியை சேர்ந்த மீனவர்கள் பிரசாத் (39), ஆரோக்கியம் (30), ஜேம்ஸ் (30), ஜெரால்டு (35), பிதேலி (35) ஆகியோருடன் நேற்று முன்தினம் காலை 7 மணிக்கு திரேஸ்புரத்தில் இருந்து மீன்பிடிக்க சென்றனர். அவர்கள் நேற்று அதிகாலையில் தூத்துக்குடியில் இருந்து சுமார் 35 கடல் மைல் தொலைவில் மீன்பிடித்துக் கொண்டிருந்தனர்.
அப்போது எதிர்பாராதவிதமாக படகில் திடீர் பழுது ஏற்பட்டது. இதனால் படகு கடலுக்குள் மூழ்க தொடங்கியது. படகில் இருந்த 6 மீனவர்களும் கடலில் தத்தளித்துக் கொண்டிருந்தனர். அப்போது அந்த பகுதியில் மீன்பிடித்துக் கொண்டிருந்த மற்றொரு படகில் இருந்த மீனவர்கள் விரைந்து சென்று கடலில் தத்தளித்த 6 மீனவர்களையும் மீட்டனர். மேலும், படகையும் கயிறு கட்டி திரேஸ்புரம் கரைக்கு இழுத்து வந்தனர். இதனால் 6 மீனவர்களும் பத்திரமாக கரைக்கு திரும்பினர்.