திருவாரூர் மாவட்டத்தில் 6-ந் தேதி உள்ளூர் விடுமுறை

முத்துப்பேட்டை:

திருவாரூர் மாவட்டம், திருத்துறைப்பூண்டி வட்டம், முத்துப்பேட்டை ஹஜரத் ஹக்கீம் ஷெய்கு தாவூது சாகிப் காமில் வலியுல்லாஹ் ஆண்டகை அவர்களின் 718-ம் ஆண்டு பெரிய கந்தூரி விழா 27.12.2019 முதல் 9.1.2020 நடைபெறுகிறது. சந்தனக்கூடு விழாவினை முன்னிட்டு திருவாரூர் மாவட்டம் முழுவதற்கும் 6.01.2020 (திங்கட்கிழமை) அன்று உள்ளூர் விடுமுறை அளிக்கப்படுகிறது. அதற்கு பதிலாக திருவாரூர் மாவட்டத்தில் உள்ள அனைத்து அரசு அலுவலகங்களுக்கும் 25.1.2020 (சனிக்கிழமை) பணி நாளாக செயல்படும்.

இந்த உள்ளுர் விடுமுறையான 06.01.2020 அன்று அவசர அலுவல்களை கவனிக்கும் பொருட்டு உள்ளூர் விடுமுறை செலவாணி முறிச்சட்டம் 1881-ன் கீழ் மாவட்டத்திலுள்ள கருவூலங்களும், சார்நிலை கருவூலங்களும் அரசு பாதுக்காப்பான அவசர அலுவல்களை கவனிக்கும் பொருட்டு குறைந்தபட்ச பணியாளர்களோடு செயல்படும்.

இத்தகவலை மாவட்ட கலெக்டர் ஆனந்த் தெரிவித்துள்ளார்.