போடி போஜன் பார்க் பகுதியில் குறுகலான சாலையால் விபத்து அபாயம்
போடி:
வெளியூர்களில் இருந்து போடிக்கு வரும் வாகனங்களுக்கு நுழைவு வாயிலாக உள்ளது போஜன்பார்க். இங்கிருந்து கட்டபொம்மன் சிலை பகுதிக்கு செல்லும் சாலை குறுகலாக உள்ளது. மேலும் இப்பகுதியில் உள்ள சாக்கடையில் தடுப்பு சுவர் இன்றி காணப்படுகிறது. இதனால் வாகன ஓட்டிகள் கடும் சிரமம் அடைந்து வருகின்றனர்.
வெளியூர்களில் இருந்து வரும் இருசக்கர வாகனங்கள் வளைவுகளில் வேகமாக திரும்பும் போது அவர்கள் சாக்கடைக்குள் விழுந்து காயம் ஏற்பட்டு வருகிறது. சாலையில் இரு புறமும் ஆக்கிரமிப்புகள் அதிகரித்து வருகிறது. இதனால் வாகன ஓட்டிகள் போக்குவரத்து நெரிசலில் சிக்கி தவிக்கின்றனர்.
மேலும் குறுகிய வளைவுகள் குறித்து அறிவிப்பு பலகைகளும் இல்லை. இதனால் இரவு நேரத்தில் வாகன ஓட்டிகள் கடும் சிரமம் அடைந்து வருகின்றனர். எனவே அதிகாரிகள் இந்த சாலையில் உள்ள ஆக்கிரமிப்புகளை அகற்றி எச்சரிக்கை பலகை மற்றும் சிக்னல் அமைக்க வேண்டும். சாக்கடைக்கு தடுப்பு சுவர் கட்ட நடவடிக்கை எடுக்க வேண்டும் என அப்பகுதி மக்கள் வலியுறுத்துகின்றனர்.