திருவாரூர் தேரோடும் வீதியில் மரக்கிளைகள் அகற்றம்: கலெக்டர் ஆய்வு

திருவாரூர்:

தியாகராஜர் கோவில் பங்குனி திருவிழாவையொட்டி வருகிற 28-ந்தேதி காலை 6 மணிக்கு விநாயகர், சுப்பிரமணியர் தேரில் எழுந்தருளி தேரோட்டம் நடக்கிறது. 29-ந்தேதி காலை 7 மணிக்கு அம்பாள், சண்டிகேஸ்வரர் தேரில் எழுந்தருளி தேரோட்டம் நடக்கிறது.

ஆழித்தேரோட்டத்தில் பக்தர்கள் கலந்து கொள்ள ஏதுவாக போக்குவரத்து, சாலை பாதுகாப்பு, தேரோட்டத்திற்கு ஏதுவாக 4 வீதிகளையும் பார்வையிட்டு சாலையின் இருபுறங்களிலும் இடையூராக உள்ள மரக்கிளைகள் உள்ளிட்ட வைகளை அகற்றும் பணிகளை கலெக்டர் ஆய்வு செய்தார்.

அப்போது மாவட்ட வருவாய் அலுவலர் சக்திமணி, வருவாய் கோட்டாட்சியர் முத்துமீனாட்சி, செயல் அலுவலர் இளையராஜா உள்ளிட்ட அரசு அலுவலர்கள் உடன் இருந்தனர்.