திருப்பதி கோவிலில் இலவச தரிசனத்துக்கு 7 மணிநேரம் ஆனது

திருப்பதி ஏழுமலையான் கோவிலில் நேற்று பக்தர்கள் கூட்டம் சற்று அதிகமாக காணப்பட்டது. அலிபிரி, ஸ்ரீவாரிமெட்டு ஆகிய இரு மலைப்பாதைகள் வழியாக மொத்தம் 14 ஆயிரம் திவ்ய தரிசன பக்தர்கள் நடந்து வந்தனர். காலை 9 மணியில் இருந்து இரவு 7 மணிவரை 45 ஆயிரம் பக்தர்கள் சாமி தரிசனம் செய்தனர்.

இலவச தரிசனத்துக்கு 7 மணிநேரமும், திவ்ய தரிசனத்துக்கு 4 மணிநேரமும், பிரத்யேக பிரவேச தரிசனத்துக்கு 3½ மணிநேரமும் ஆனது. ஒருநாள் உண்டியல் காணிக்கை ரூ.5 கோடி கிடைத்தது. புதிய 500, 2000 ரூபாய் நோட்டுகள் புழக்கத்தில் வந்ததிலிருந்து, முதல் முறையாக ரூ.5 கோடி உண்டியல் காணிக்கை கிடைத்தது இதுவே முதல் முறையாகும் என்று தேவஸ்தான அதிகாரிகள் தெரிவித்தனர்.