சினிமா
போலீசில் இருந்து ராணுவத்திற்கு மாறிய சௌந்தரராஜா
பல வெற்றி படங்களில் நடித்து வரும் சௌந்தரராஜா போலீசில் இருந்து, ராணுவத்திற்கு மாறி இருக்கிறார். #SoundaraRaja #Army #Police
தன்னுடைய தனித் திறமையால் ரசிகர்களை கவர்ந்து வருபவர் நடிகர் சௌந்தரராஜா. இவர் ‘சுந்தரபாண்டியன்’, ‘ஜிகர்தண்டா’, ‘தர்மதுரை’ உள்ளிட்ட பல வெற்றிப் படங்களில் நடித்திருக்கிறார். சமீபத்தில் வெளியான ‘கடைக்குட்டி சிங்கம்’ படத்தில் முக்கிய கதாபாத்திரத்தில் நடித்திருந்தார்.
மேலும் இவரது நடிப்பில் ‘பில்லா பாண்டி’, ‘அபிமன்யு’ ஆகிய படங்கள் ரிலீசாக இருக்கிறது. அபிமன்யு படத்தில் உதவி கமிஷனராக நடிக்கிறார். இப்படத்திற்காக போலீஸ் அதிகாரிகளின் உடை, பாவனை, உடல் மொழி உள்ளிட்ட அனைத்து சம்சங்களை தெரிந்து பயிற்சி எடுத்து நடித்து வருகிறார்.
இந்நிலையில், தற்போது ராணுவ அதிகாரியாக புதிய படத்தில் நடித்து வருகிறார். ஆர்மி மேனாக நடிப்பது மிகவும் வேதனையாக இருக்கிறது. இந்திய ராணுவ வீரர்களை நான் எப்போதும் மதிப்பேன். ஆனால், இன்று அவர்களின் மேல் இருக்கும் மரியாதை இன்னும் அதிகமாகி, கடவுளுக்கு நிகராஜ உணர்கிறேன் என்று சௌந்தரராஜா கூறியிருக்கிறார்.