விவேகத்தில் விவேக் ஓபராய் வில்லன் இல்லை: படக்குழு விளக்கம்

அஜித் நடிப்பில் உருவாகி வரும் புதிய படம் ‘விவேகம்’. இப்படத்தின் படப்பிடிப்பு தற்போது வெளிநாடுகளில் நடைபெற்று வருகிறது. ‘வீரம்’, ‘வேதாளம்’ ஆகிய படங்களை தொடர்ந்து இப்படத்தையும் அஜித்தை வைத்து இயக்கி வருகிறார் சிவா. அனிருத் இசையமைக்கும் இப்படத்தில் பாலிவுட் நடிகர் விவேக் ஓபராய், காஜல் அகர்வால், அக்ஷராஹாசன் உள்ளிட்டோரும் நடித்துள்ளனர்.

படப்பிடிப்பு தொடங்கியதில் இருந்து இப்படத்தில் விவேக் ஓபராய்தான் வில்லனாக நடிக்கிறார் என்று செய்திகள் வெளிவந்து கொண்டிருந்தது. இதனை மறுத்து படக்குழுவினரும் எந்த செய்தியும் வெளியிடவில்லை. தற்போது முதன்முறையாக இப்படத்தில் விவேக் ஓபராய் வில்லனாக நடிக்கவில்லை என்று இயக்குனர் சிவா கூறியுள்ளதாக செய்திகள் வெளியாகியுள்ளது.



அதாவது, இப்படத்தில் வில்லனாக விவேக் ஓபராய் நடிக்கவில்லை. மற்றொரு முக்கியமான கதாபாத்திரத்தில் அவர் நடித்துள்ளதாகவும், அக்ஷராஹாசனை சுற்றியே கதை நகரும் என்று சிவா கூறியுள்ளதாக கூறப்படுகிறது. அப்படியென்றால், அக்ஷராஹாசன்தான் இப்படத்தின் வில்லனா? என்ற கேள்வியும் கோலிவுட் வட்டாரத்தில் நிலவுகிறது.