11.3.2024 முதல் 17.3.2024 வரை
எதிர்ப்புகளை சமாளிக்க வேண்டிய நேரம். ராசி அதிபதி சூரியன் அஷ்டம ஸ்தான ராகுவை நெருங்குகிறார். இது கிரகண அமைப்பு. புண்ணிய பலன்களை அதிகரிக்க குடும்ப உறுப்பினர்கள் ஒன்றினைந்து பித்ருக்கடன் தீர்த்து முன்னோர்களின் நல்லாசி பெறும் முயற்சியில் ஈடுபடுவீர்கள்.ராசிக்கு 7-ல் சனி செவ்வாய் சேர்க்கை இருப்பதால் தொழில் கூட்டாளி அல்லது நண்பர்கள் நடவடிக்கையால் மன அழுத்தம் உருவாகும். திருமண முயற்சி ஒரிரு வாரங்களுக்குப் பிறகு சாதகமாகும். பிள்ளைகளுக்கு செய்ய வேண்டிய கடமைகளை செய்து முடிக்க சாதகமான சூழ்நிலை உண்டாகும். பங்குச்சந்தை முதலீட்டில் ஆர்வம் அதிகரிக்கும்.
உடன் பிறந்த சகோதரருக்கு திருமணம் கை கூடும். இழந்த வேலை மீண்டும் கிடைக்கும். மேலும் அஷ்டம ஸ்தானத்தில் சூரியன், ராகு சேர்க்கை இருப்பதால் மற்றவர்களுடன் விவாதம் செய்வதைத் தவிர்ப்பது நல்லது. முக்கிய பேச்சு வார்த்தைகளை ஒத்தி வைக்கவும். 12.3.2024 இரவு 8.30 மணி வரை சந்திராஷ்டமம் இருப்பதால் தூக்க மின்மை, மன சஞ்சலம் உண்டாகலாம். தேவையில்லாத எண்ணங்களை தவிர்த்து நிம்மதியாக தூங்க தினமும் ராகு வேளையில் காளியை வழிபட வேண்டும்.
`பிரசன்ன ஜோதிடர்'
ஐ.ஆனந்தி
செல்: 98652 20406