null
29.04.2024 முதல் 05.05.2024 வரை
சங்கடங்கள் விலகும் வாரம். ராசி அதிபதி சூரியன் பாக்கிய ஸ்தானத்தில் உச்சம். பெறுவதோடு குரு தொழில் ஸ்தானத்தில் என முக்கிய கிரகங்கள் சாதகமாக இருக்கிறது. தொழிலில் நிலவிய சங்கடங்கள் விலகி முன்னேற்றத்திற்கான அறிகுறி தென்படும். புதிய தொழில் வாய்ப்புகளை வரவழைத்துக் கொள்வீர்கள். முன்னோர்களின் கூட்டுத் தொழிலில் பங்குதாரராக இணையும் வாய்ப்பு உள்ளது.
உத்தியோகத்தில் பதவி உயர்வு, ஊதிய உயர்வு என விரும்பிய மாற்றங்களால் உள்ளம் குளிரும். பங்கு வர்த்தகர்களின் வருமானம் கணிசமாக உயரும். தொழில், உத்தியோகம் காரணமாக சிலரின் தந்தை குடும்பத்தை பிரிந்து வெளியூர், வெளிநாடு செல்லலாம். கணவன் மனைவியிடம் ஒற்றுமை அதிகரிக்கும். திருமணத்திற்கு உங்கள் இன சமுதாயத்தில் இருந்து கவுரவமான நல்ல வரன் அமையும். புனித யாத்திரை செல்வீர்கள். கணவன் மனைவி உறவு சுமூகமாக இருக்கும். சம்பந்தி சண்டைகள் முடிவுக்கு வரும். 4.5.2024 மாலை 4.38 மணிக்கு சந்திராஷ்டமம் ஆரம்பிப்பதால் வீடு, வாகன பராமரிப்பு செலவால் விரயம் உண்டாகும். ஆரோக்கியத்தில் அதிக கவனம் செலுத்த வேண்டும். ஸ்ரீஅதிர்ஷ்ட லட்சுமியை வழிபடவும்.
'பிரசன்ன ஜோதிடர்'
ஐ.ஆனந்தி
செல்: 98652 20406