11.12.2023 முதல் 17.12.2023 வரை
தடைபட்ட பணிகள் துரிதமாகும் வாரம். 5,10-ம் அதிபதி சுக்ரன் ஆட்சி, 4, 11-ம் அதிபதி செவ்வாய் ஆட்சி. ராசி, தன ஸ்தான அதிபதி சனி ஆட்சி என கோட்சார கிரகங்கள் மகர ராசிக்கு சுப பலன்கள் வழங்கவுள்ளது. பய உணர்வு நீங்கி வாழ்க்கை பற்றிய புரிதல் உண்டாகும். அனுபவப்பூர்வமான அறிவுத் திறன் அதிகரிக்கும். தடைபட்ட பூர்வீகச் சொத்து பாகப்பி ரிவினை பேச்சு வார்த்தையில் சுமூகமாகி உங்களை நாடி வரும். கவுரவப் பதவிகள் கிடைக்கும்.நிலையான தொழிலோ, உத்தியோகமோ இன்றி அவதியுற்ற வர்களுக்கு மனதிற்கு பிடித்த தொழில் அல்லது உத்தியோகம் அமையும். குல தெய்வ அனுகிரகம் ஏற்படும். குல தெய்வம் தெரியாத வர்களுக்கு குல தெய்வம் பற்றி அறியும் காலம் வந்து விட்டது. அண்டை அயலாருடன் ஏற்பட்ட மனஸ்தாபங்கள், எல்லைத் தகராறிற்கு தீர்வு பிறக்கும்.
வீடு மாற்றிச் செல்வீர்கள். சிலர் வெளி மாநிலம் , வெளிநாட்டிற்கும் இடம் பெயரலாம். உடல் பெருக்கம் ஏற்படும். வாயுத் தொல்லை உருவாகும். தம்பதிகளிடையே புரிதல் ஏற்படும். பார்த்துச் சென்ற வரனிடம் இருந்து சாதகமான பதில் வரும். அமாவாசையன்று பட்சிகளுக்கு உணவிடவும்.
`பிரசன்ன ஜோதிடர்'
ஐ.ஆனந்தி
செல்: 98652 20406