4.3.2024 முதல் 10.3.2024 வரை
கொள்கை பிடிப்போடு செயல்படும் வாரம். உச்சம் பெற்ற கேந்திராதிபதி செவ்வாய் பூர்வ புண்ணிய ஸ்தான அதிபதி சுக்ரனுடன் ராசியில் சஞ்சரிப்பதால் அதிர்ஷ்டமும் கவுரவப் பதவிகளும் தேடி வரும். எதிர்பார்த்த பதவி உயர்வு, ஊதிய உயர்வு உண்டாகும். வேலை இல்லாதவர்களுக்கு தகுதிக்கும், திறமைக்கும் தகுந்த வேலை கிடைக்கும். நினைப்ப தொன்று, நடப்ப தொன்றுமாக இருந்த நிலை மாறும். கருத்து வேறுபாட்டால் பிரிந்த கணவன், மனைவி மீண்டும் இணைந்து குடும்பம் நடத்துவார்கள். வாழ்க்கைத் தரம் உயரும்.
அடமானத்தில் இருக்கும் வீட்டை மீட்க தேவையான பணம் கிடைக்கும். பணம் கொடுக்கல், வாங்கல்களில் ஏற்பட்ட சச்சரவுகள் அகலும்.மாணவர்களுக்கு படிப்பில் நாட்டம் உண்டாகும். திட்டமிட்டு படிப்பார்கள். திரைப்பட கலைஞர்கள் படப்பிடிப்பிற்கு வெளிநாடு செல்லும் சூழல் நிலவும். திருமண பேச்சு வார்த்தை நல்ல முடிவிற்கு வரும். பித்தம், வாதம், அலர்ஜி போன்ற சிறு சிறு உடல் பாதிப்பு தோன்றும். சிவனுக்கு சுத்த மான பசும்பாலால் அபிசேகம் செய்ய தடை, தாமதம் விலகும்.
`பிரசன்ன ஜோதிடர்'
ஐ.ஆனந்தி
செல்: 98652 20406