ஆப்கானிஸ்தான் - அயர்லாந்து அணிகளுக்கு இடையிலான ஒரேயொரு டெஸ்ட் போட்டி கொண்ட தொடர் இந்தியாவில் உள்ள டேராடூனில் இன்று தொடங்கியது.
டாஸ் வென்ற அயர்லாந்து பேட்டிங் தேர்வு செய்தது. ஆப்கானிஸ்தான் அணியின் பந்து வீச்சை தாக்குப்பிடிக்க முடியாமல் விக்கெட்டுக்களை மளமளவென இழந்தது. அயர்லாந்து ஒரு கட்டத்தில் 9 விக்கெட் இழப்பிற்கு 85 ரன்கள் எடுத்திருந்தது.
54 ரன்கள் அடித்த டிம் முர்டாக் கடைசி விக்கெட்டுக்கு டாக்ரெல் உடன் முர்டாக் ஜோடி சேர்ந்தார். முர்டாக் சிறப்பாக விளையாடி அரைசதம் அடித்தார். டாக்ரெல் 39 ரன்கள் அடித்து ஆட்டமிழக்க அயர்லாந்து 172 ரன்னில் சுருண்டது. முர்டாக் 54 ரன்கள் எடுத்து கடைசி வரை ஆட்டமிழக்காமல் இருந்தார்.
முர்டாக் - டாக்ரெல் ஜோடி கடைசி விக்கெட்டுக்கு 87 ரன்கள் குவித்தது குறிப்பிடத்தக்கது. ஆப்கானிஸ்தான் அணி சார்பில் யாமின் அகமத்சாய், முகமது நபி ஆகியோர் தலா மூன்று விக்கெட்டுக்கள் வீழ்த்தினர். ரஷித் கான் மற்றும் வக்கார் சலாம்கெய்ல் தலா இரண்டு விக்கெட்டுக்கள் வீழ்த்தினர்.
