இங்கிலாந்து லயன்ஸ் அணியை இன்னிங்ஸ் மற்றும் 68 ரன்னில் வீழ்த்தியது இந்தியா ‘ஏ’

இந்தியா ‘ஏ’ - இங்கிலாந்து லயன்ஸ் அணிகளுக்கு இடையிலான அதிகாரப்பூர்வமற்ற 2-வது கிரிக்கெட் போட்டி மைசூரில் நடைபெற்றது. முதலில் பேட்டிங் செய்த இந்தியா ‘ஏ’ அணி ஈஸ்வரன் (117), கேஎல் ராகுல் (81) ஆகியோரின் சிறப்பான ஆட்டத்தால் முதல் இன்னிங்சில் 392 ரன்கள் குவித்தது.

பின்னர் முதல் இன்னிங்சில் பேட்டிங் செய்த இங்கிலாந்து லயன்ஸ் 144 ரன்னில் சுருண்டு பாலோ-ஆன் ஆனது. சைனி, நதீம் தலா மூன்று விக்கெட்டுக்கள் வீழ்த்தினர்.

இந்தியா ‘ஏ’ பாலோ-ஆன் கொடுத்ததால் இங்கிலாந்து லயன்ஸ் தொடர்ந்து 2-வது இன்னிங்சில் பேட்டிங் செய்தது. 2-வது இன்னிங்சிலும் இந்தியா ‘ஏ’ அணியின் பந்து வீச்சை தாக்குப்பிடிக்க முடியாமல் 180 ரன்னில் சுருண்டது. இதனால் இந்தியா ‘ஏ’ இன்னிங்ஸ் மற்றும் 68 ரன்கள் வித்தியாசத்தில் வெற்றி பெற்றது. மார்கண்டே 5 விக்கெட் வீழ்த்தினார்.