இந்திய கிரிக்கெட் வாரியம் இளையோர் கிரிக்கெட் அணிக்கு முன்னாள் வீரர் ராகுல் டிராவிட்டை பயிற்சியாளராக நியமித்தது. ராகுல் டிராவிட் தலைமையில் இளம் வீரர்கள் அபாரமான ஆட்டத்தை வெளிப்படுத்தி வருகிறார்கள். நியூசிலாந்தில் கடந்த வருடம் நடைபெற்ற 19 வயதிற்கு உட்பட்டோருக்கான உலகக்கோப்பையை வென்றது.
ஏராளமான வீரர்கள் இந்திய அணிக்கு விளையாட முன்னேற்றம் அடைந்துள்ளனர். ரஞ்சி டிராபியில் அசத்துகிறார்கள். டி20 கிரிக்கெட் ஆதிக்கம் செலுத்தி வரும் நிலையில், இந்தியாவைச் சேர்ந்த இளம் வீரர்கள் டெஸ்ட் போட்டியில் அசத்தி வருகிறார்கள். இதற்கு ராகுல் டிராவிட்டுதான் முக்கிய காரணம் என்று கூறி வருகிறார்கள்.
ஆஸ்திரேலியா கிரிக்கெட் வாரியம் ரிக்கி பாண்டிங், ஆலன் பார்டர், ரோட்னி மார்ஷ் போன்றோரை பயிற்சியாளராக நியமித்து இருந்தது.
பாகிஸ்தானின் அணியின் முன்னாள் பேட்ஸ்மேன் யூனிஸ் கான் டெஸ்டில் இருந்து ஓய்வு பெறும்போது, ‘‘இளம் வீரர்களுக்கான அணிக்கு பயிற்சியாளராக தயாராக இருக்கிறேன்’’ என்று கூறியிருந்தார்.
இந்நிலையில் பாகிஸ்தான் இளையோர் அணிக்கு முன்னாள் வீரர்களை பயிற்சியாளராக நியமிக்க யோசித்து வருவதாக அந்நாட்டு கிரிக்கெட் வாரியம் தெரிவித்துள்ளது.
