சீனா ஓபன் பேட்மிண்டன்- ஸ்ரீகாந்த் கிதாம்பி காலிறுதிக்கு முன்னேற்றம்

சீனா ஓபன் பேட்மிண்டனில் காலிறுதிக்கு முந்தைய சுற்றில் இந்தியாவின் முன்னணி வீரரான ஸ்ரீகாந்த் கிதாம்பி தாய்லாந்தின் சுபன்யு அவிகிங்சனனை எதிர்கொண்டார். முதல் செட்டை ஸ்ரீகாந்த் கிதாம்பி 21-12 எனவும், 2-வது செட்டை சுபன்யு 21-15 எனவும் கைப்பற்றினார்.



வெற்றிக்கான 3-வது செட்டில் இருவரும் மாறிமாறி புள்ளிகள் பெற்றனர். இறுதியில் ஸ்ரீகாந்த் கிதாம்பி 24-22 என வெற்றி பெற்று காலிறுதிக்கு முன்னேறினார். காலிறுதியில் முன்னணி வீரரான கென்டோ மொமோட்டாவை எதிர்கொள்கிறார். பெண்களுக்கான ஒற்றையர் பிரிவில் பிவி சிந்து ஏற்கனவே காலிறுதிக்கு முன்னேறியுள்ளார் என்பது குறிப்பிடத்தக்கது.