என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
செய்திகள்
X
கோலியை அமெரிக்க அதிபர் ட்ரம்புடன் ஒப்பிட்டு ஆஸ்திரேலிய பத்திரிகை சாடல்
Byமாலை மலர்21 March 2017 3:44 PM GMT (Updated: 21 March 2017 3:44 PM GMT)
டி.ஆர்.எஸ். மற்றும் காயம் ஆகிய பிரச்சினையில் ஆஸ்திரேலிய கேப்டனை குற்றம்சாட்டிய இந்திய அணியின் கேப்டன் விராட் கோலியை ட்ரம்புடன் ஒப்பிட்டு ஆஸ்திரேலிய பத்திரிகை சாடியுள்ளது.
ராஞ்சி டெஸ்ட் போட்டியின் முதல்நாள் ஆட்டத்தின்போது விராட் கோலியின் தோள்பட்டையில் காயமேற்பட்டது. அதனை ஆஸ்திரேலிய வீரர்கள் கேலி செய்ததாக விமர்சனம் எழுந்தது. இதுகுறித்து குற்றம்சாட்டிய கோலியை அமெரிக்க அதிபர் ட்ரம்புடன் ஒப்பிட்டு ‘உலக விளையாட்டின் ட்ரம்ப் ஆகிறார் விராட் கோலி’ என்று வர்ணித்துள்ளது தி டெய்லி டெலிகிராப் என்ற பத்திரிகை.
விராட் கோலி ஆட்டமிழந்த போது ஸ்மித் தன் தோள்பட்டையை பிடித்துக் காட்டி கோலியை கேலி செய்ததாக ஒரு வீடியோ பதிவு வெளியானது. ஆனால் அது ஸ்மித்தின் தோளை வேறொரு வீரர் பிடிக்கும் காட்சியாகும். இதனையடுத்து ஸ்டார் ஸ்போர்ட்ஸ் நிர்வாகம் ஸ்மித்திடம் மன்னிப்பு கோரியுள்ளது. அதாவது கோலியின் காயத்தை ஸ்மித் கேலி செய்தார் என்ற செய்திகள் பரவுவதற்கு தவறான வீடியோ பதிவு காரணமானதாக ஸ்டார் ஸ்போர்ட்ஸ் மன்னிப்புக் கோரியது.
இதனைச் செய்தியாக்கிய தி டெய்லி டெலிகிராப் ‘ஸ்டார் ஸ்போர்ட்ஸுக்கு கோலியின் முதலாளியான பிசிசிஐ-யின் தாக்கம் அதிகம்’ என்று கூறியுள்ளதோடு வர்ணனை அறையில் இருந்த வி.வி.எஸ். லஷ்மணையும் லேசாக கிண்டலடித்து ‘இந்த பண்டிதரும் தவறான செய்தியைப் பரப்ப அது சமூக வலைத்தளங்களில் வைரலானது’ என்று எழுதியுள்ளது.
விராட் கோலியும் 4-ம் நாள் மாலை ஆட்டம் முடிந்த பிறகு ஆஸ்திரேலிய ஓய்வறையைக் கடக்கும்போது தன் தோளை தட்டிக்காட்டிய படியே சென்றுள்ளார்.
இதனை வர்ணிக்கும் தி டெய்லி டெலிகிராப் பத்திரிகை, “டொனால்ட் ட்ரம்ப் போலவே தன் முகத்தின் மீது அடிக்கப்பட்ட முட்டையை மறைக்க ஊடகத்தை குறைகூறுகிறார் விராட் கோலி” என்று எழுதியுள்ளது.
இதற்குப் பிறகு கோலி செய்தியாளர்களிடம் பேசியதை மேற்கோள் காட்டியுள்ளது, அதாவது கோலி, “எங்கள் பத்திரிகையாளர்கள் கிரிக்கெட்டைப் பற்றி கேள்வி கேட்க, நீங்களோ (ஆஸி. நிருபர்கள்) சர்ச்சைக்குரியதைப் பற்றி கேள்வி கேட்கிறீர்கள். ஆனாலும் பரவாயில்லை.
இவையெல்லாம் களத்தில் நடக்கக் கூடியதுதான். அவர்களில் 4-5 பேர் எங்கள் பிசியோதெரபி பேட்ரிக் ஃபர்ஹார்ட்டின் பெயரை கையிலெடுத்தார்கள். அவரை ஏன் இழுக்க வேண்டும். அவர் பிசியோதெரபி. அவரது வேலை எனக்கு சிகிச்சை அளிப்பதுதான் அவர் பெயரை ஏன் இழுக்க வேண்டும் என்று எனக்குப் புரியவில்லை. நீங்கள் உங்கள் வீரர்களிடம் கேளுங்கள், ஏன் அவர் பெயரை இழுத்தீர்கள்?” என்று கூறியதை மேற்கோள் காட்டியது.
ஸ்மித் இந்த ஒட்டுமொத்த சம்பவத்தைப் பற்றி கூறும்போது, “நான் ஒன்றுமே செய்யவில்லை, எனக்கு கோலியின் குற்றச்சாட்டு புரியவில்லை. நான் எப்படி பேட்ரிக்கை மரியாதையின்றி பேசினேன் என்பதை கோலி களத்திலேயே தெரிவித்திருக்க வேண்டும். தோள்பட்டைக் காயத்திற்குப் பிறகு மீண்டும் கோலி இறங்கியது பேட்ரிக்கின் சிகிச்சையாலேயே” என்றார்.
இந்த மேற்கோளையும் வெளியிட்ட தி டெய்லி டெலிகிராப் கோலி இந்தத் தொடரில் ரன் எடுக்க முடியாமல் இருப்பதை காயத்தால் வெளியேறிய மிட்செல் மார்ஷ் எடுத்த 48 ரன்களுடனும், மிட்செல் ஸ்டார்க் எடுத்த 118 ரன்களுடனும் ஒப்பிட்டு கோலியை சிறுமைப்படுத்தியுள்ளது.
மேலும் கிரிக்கெட் ஆட்ட உணர்வை கோலி சாகடித்துள்ளார் என்றும் சாடியுள்ளது தி டெய்லி டெலிகிராப். மேலும் முன்னாள் இலங்கை கேப்டன் அர்ஜுனா ரணதுங்காவுடன் கோலியை ஒப்பிட்டு ’எதிரணியினரை இருவரும் கடுமையாக மரியாதையின்றி நடத்துவர்’ என்று எழுதியுள்ளது.
கடைசியில் கட்டுரையை முடிக்கும்போது, ‘மென்மையான கிரிக்கெட் நிர்வாகிகளால் மட்டை சுழற்றும் ட்ரம்ப் எழுந்துள்ளார்’ என்று கோலியை ட்ரம்புடன் ஒப்பிட்டுள்ளது.
ஆனால் கிளென் மேக்ஸ்வெல், கோலியின் தோள்பட்டைக் காயத்தை கிண்டல் செய்தது பற்றி இந்தக் கட்டுரையில் ஒன்றுமில்லை.
விராட் கோலி ஆட்டமிழந்த போது ஸ்மித் தன் தோள்பட்டையை பிடித்துக் காட்டி கோலியை கேலி செய்ததாக ஒரு வீடியோ பதிவு வெளியானது. ஆனால் அது ஸ்மித்தின் தோளை வேறொரு வீரர் பிடிக்கும் காட்சியாகும். இதனையடுத்து ஸ்டார் ஸ்போர்ட்ஸ் நிர்வாகம் ஸ்மித்திடம் மன்னிப்பு கோரியுள்ளது. அதாவது கோலியின் காயத்தை ஸ்மித் கேலி செய்தார் என்ற செய்திகள் பரவுவதற்கு தவறான வீடியோ பதிவு காரணமானதாக ஸ்டார் ஸ்போர்ட்ஸ் மன்னிப்புக் கோரியது.
இதனைச் செய்தியாக்கிய தி டெய்லி டெலிகிராப் ‘ஸ்டார் ஸ்போர்ட்ஸுக்கு கோலியின் முதலாளியான பிசிசிஐ-யின் தாக்கம் அதிகம்’ என்று கூறியுள்ளதோடு வர்ணனை அறையில் இருந்த வி.வி.எஸ். லஷ்மணையும் லேசாக கிண்டலடித்து ‘இந்த பண்டிதரும் தவறான செய்தியைப் பரப்ப அது சமூக வலைத்தளங்களில் வைரலானது’ என்று எழுதியுள்ளது.
விராட் கோலியும் 4-ம் நாள் மாலை ஆட்டம் முடிந்த பிறகு ஆஸ்திரேலிய ஓய்வறையைக் கடக்கும்போது தன் தோளை தட்டிக்காட்டிய படியே சென்றுள்ளார்.
இதனை வர்ணிக்கும் தி டெய்லி டெலிகிராப் பத்திரிகை, “டொனால்ட் ட்ரம்ப் போலவே தன் முகத்தின் மீது அடிக்கப்பட்ட முட்டையை மறைக்க ஊடகத்தை குறைகூறுகிறார் விராட் கோலி” என்று எழுதியுள்ளது.
இதற்குப் பிறகு கோலி செய்தியாளர்களிடம் பேசியதை மேற்கோள் காட்டியுள்ளது, அதாவது கோலி, “எங்கள் பத்திரிகையாளர்கள் கிரிக்கெட்டைப் பற்றி கேள்வி கேட்க, நீங்களோ (ஆஸி. நிருபர்கள்) சர்ச்சைக்குரியதைப் பற்றி கேள்வி கேட்கிறீர்கள். ஆனாலும் பரவாயில்லை.
இவையெல்லாம் களத்தில் நடக்கக் கூடியதுதான். அவர்களில் 4-5 பேர் எங்கள் பிசியோதெரபி பேட்ரிக் ஃபர்ஹார்ட்டின் பெயரை கையிலெடுத்தார்கள். அவரை ஏன் இழுக்க வேண்டும். அவர் பிசியோதெரபி. அவரது வேலை எனக்கு சிகிச்சை அளிப்பதுதான் அவர் பெயரை ஏன் இழுக்க வேண்டும் என்று எனக்குப் புரியவில்லை. நீங்கள் உங்கள் வீரர்களிடம் கேளுங்கள், ஏன் அவர் பெயரை இழுத்தீர்கள்?” என்று கூறியதை மேற்கோள் காட்டியது.
ஸ்மித் இந்த ஒட்டுமொத்த சம்பவத்தைப் பற்றி கூறும்போது, “நான் ஒன்றுமே செய்யவில்லை, எனக்கு கோலியின் குற்றச்சாட்டு புரியவில்லை. நான் எப்படி பேட்ரிக்கை மரியாதையின்றி பேசினேன் என்பதை கோலி களத்திலேயே தெரிவித்திருக்க வேண்டும். தோள்பட்டைக் காயத்திற்குப் பிறகு மீண்டும் கோலி இறங்கியது பேட்ரிக்கின் சிகிச்சையாலேயே” என்றார்.
இந்த மேற்கோளையும் வெளியிட்ட தி டெய்லி டெலிகிராப் கோலி இந்தத் தொடரில் ரன் எடுக்க முடியாமல் இருப்பதை காயத்தால் வெளியேறிய மிட்செல் மார்ஷ் எடுத்த 48 ரன்களுடனும், மிட்செல் ஸ்டார்க் எடுத்த 118 ரன்களுடனும் ஒப்பிட்டு கோலியை சிறுமைப்படுத்தியுள்ளது.
மேலும் கிரிக்கெட் ஆட்ட உணர்வை கோலி சாகடித்துள்ளார் என்றும் சாடியுள்ளது தி டெய்லி டெலிகிராப். மேலும் முன்னாள் இலங்கை கேப்டன் அர்ஜுனா ரணதுங்காவுடன் கோலியை ஒப்பிட்டு ’எதிரணியினரை இருவரும் கடுமையாக மரியாதையின்றி நடத்துவர்’ என்று எழுதியுள்ளது.
கடைசியில் கட்டுரையை முடிக்கும்போது, ‘மென்மையான கிரிக்கெட் நிர்வாகிகளால் மட்டை சுழற்றும் ட்ரம்ப் எழுந்துள்ளார்’ என்று கோலியை ட்ரம்புடன் ஒப்பிட்டுள்ளது.
ஆனால் கிளென் மேக்ஸ்வெல், கோலியின் தோள்பட்டைக் காயத்தை கிண்டல் செய்தது பற்றி இந்தக் கட்டுரையில் ஒன்றுமில்லை.
Next Story
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X