வங்காள தேச கிரிக்கெட் அணி இலங்கை சென்று மூன்று வகை கிரிக்கெட் தொடரில் விளையாட இருக்கிறது. இரண்டு போட்டிகள் கொண்ட டெஸ்ட் தொடரில் முதலில் நடைபெறுகிறது. மார்ச் 7-ந்தேதி தொடங்கும் இந்த தொடருக்கான இலங்கை அணி வருகிற செவ்வாய்க்கிழமை (28-ந்தேதி) அறிவிக்கப்படும் எதிர்பார்க்கப்படுகிறது.
இந்நிலையில் தொடைப்பகுதியில் ஏற்பட்ட காயம் காரணமாக வங்காள தேச தொடரில் மேத்யூஸ் இடம்பெற மாட்டார் என்று அறிவிக்கப்பட்டுள்ளது.
காலில் ஏற்பட்ட பல்வேறு காயங்கள் காரணமாக அக்டோபர்- நவம்பர் மாதத்தில் நடைபெற்ற ஜிம்பாப்வேவிற்கு எதிரான டெஸ்ட் தொடரில் இருந்து மேத்யூஸ் நீக்கப்பட்டார். தற்போது காயம் குணமடையாததால் வங்காள தேச அணிக்கெதிரான தொடரில் இருந்து நீக்கப்பட்டுள்ளார். கடந்த 6 மாதத்தில் மேத்யூஸ் 2-வது டெஸ்ட் தொடரை இழக்கிறார்.
இதனால் ஜிம்பாப்வே தொடரில் கேப்டனாக செயல்பட்ட ஹெராத் கேப்டனாக நியமிக்கப்படலாம் என்று எதிர்பார்க்கப்படுகிறது. டெஸ்ட் போட்டியில் இருந்து நீக்கப்பட்ட அவர், ஒருநாள் மற்றும் டி20 கிரிக்கெட் தொடரில் இடம்பெறுவார் என்று இலங்கை கிரிக்கெட் வாரியம் அறிவித்துள்ளது.
